О́ńirde karantın kezinde kól jaǵalaǵan balyqshylardyń qarasy kóbeıip ketti. Qolyna qarmaq ustaǵandar Qopa kóliniń jaǵalaýynda syńsyp otyr.
Taıaýda oblystyq tótenshe jaǵdaılar jónindegi departamentiniń qyzmetkerleri arnaıy reıd uıymdastyryp, eskertý jasady. Iá, tótenshe jaǵdaı kezinde zań buzǵan balyqshylarmen tildesýge múmkindik bolmady. Barlyǵy at tondaryn ala qashady. Oblystyq tótenshe jaǵdaılar qyzmetiniń ókilderi aptasyna úsh ret reıdke shyǵady. Sondaı-aq, osy ýaqytqa deıin kól betine qaıyqpen shyqqandarǵa da eskertý jasalǵan.
–Balyqshylar ózderi shyǵyp qana qoımaı,kishkentaı balalaryn da erte kelgen. Keıbir balyqshylardyń maska, qolǵaptary da joq. Biz eskertý jasadyq. Olar úılerine qaıtaryldy. Bul joly eskerttik. Kelesi joly balyq aýlaýǵa shyqsa, ákimshilik jaýapkershilikke tartylady,–deıdi departamenttiń jedel qutqarý jasaǵynyń bas qutqarýshysy Naýqan Yryspaev.
Tótenshe jaǵdaıdyń jarııalanǵanyna da bir aıdan asty. О́kinishke oraı, elde tótenshe jaǵdaı men karantın erejelerin saqtamaıtyndar áli de kóptep kezdesedi.
Kókshetaý qalasy.