Polısııa qyzmetkerleri áleýmettik jelide tikeleı efır arqyly turǵyndardyń kókeıinde júrgen kóp suraqtarǵa jaýap berdi. Qoıylǵan saýaldardyń kóbi jeke avtokólikpen júrýge salynǵan tyıym máselesine, karantın rejıminiń aıaqtalý merzimine, blok-beketterden ótý tártibine qatysty boldy.
«Joldaǵy qabyldaý» dep atalǵan aksııa aıasynda ótken tikeleı efır eki saǵatqa sozyldy. Turǵyndardan 2 myńnan astam suraq tústi. Olardyń eń negizgisi–blok-beketterden ótýdiń tártibi jaıynda boldy. Tártip saqshylarynyń aıtýlarynsha, kedergisiz jol júrýge ruqsat alý úshin jiberilgen ótinish tez qaralsyn deseńiz, tıisti qujattardy durys toltyrý kerek. О́tinish 1 táýlik ishinde qaralady.
– Oblys boıynsha júrip-turýǵa tek tranzıttik kólikterge ǵana ruqsat etilgen. Olar kúndelikti qajetti taýarlardy, azyq-túlik ónimderin, dári-dármek, qurylys materıaldaryn jetkizetinder. Iаǵnı, óńir aýmaǵy boıynsha júrýge oblys ákimdigi jedel shtabynyń sheshimimen karantın kezinde júrýge ruqsat berilgen kólikter ǵana ótkiziledi,–deıdi oblystyq jergilikti polısııa qyzmeti basqarmasynyń bastyǵy Serik Baımuqanov.
Tártip saqshylary tótenshe jaǵdaı tártibin buzǵan turǵyndar óziniń ǵana emes, ózgeniń de densaýlyǵyna qaýip tóndiretindigin eskertti.
Aqmola oblysy