Karantın tártibin saqtaýǵa jaýapkershilikpen qaraǵan turǵyndarǵa Nur-Sultan qalasynyń ákimi Altaı Kólginov rızashylyǵyn bildirdi.
«Azamattarymyzǵa eń qaýipti kezeńde oqshaýlanýdy jáne tótenshe jaǵdaı rejıminiń erejelerin qatań saqtaǵany úshin rızashylyǵymdy bildiremin. Turǵyndar karantın tártibin saqtaýǵa jaýapkershilikpen qarady. Bul koronavırýs ınfeksııasyn taratpaýǵa jáne medısınalyq mekemeler men dárigerler júktemesin azaıtýǵa múmkindik berdi. Alaıda, tótenshe jaǵdaı rejımi toqtatylǵannan keıin kósheler men adam kóp jınalatyn oryndarda júrgender sany artty. Kezeń-kezeńmen shaǵyn jáne orta bıznes jumysyna ruqsat berildi, saıabaqtar men gúlbaqtary, saýda, oıyn-saýyq ortalyqtary, bazarlar jáne basqa da oryndar ashyldy. Barlyǵyna algorıtm jasalyp, bekitildi. Degenmen vırýstyń taralý qaýpi áli de bar. Vırýs qaldy, ol eshqaıda ketken joq», – dedi qala ákimi.