Qostanaı avtomobıl zaýytyndaǵy Chevrolet markasynyń jańa úlgilerin qurastyratyn Qazaqstan-О́zbekstan birlesken jelisinde jyl sońyna deıin 1 myńnan astam joǵary ónimdi jumys orny ashylady. Qyzmetter men óndiris sektorlary arasynda jumys kúshiniń aǵylýy, ulǵaıyp kele jatqan joba erekshe mańyzǵa ıe bolmaq.
Qazirgi ýaqytta zaýyt tolyq júktememen úsh aýysymda jumys isteıdi.
Jańa óndiristik jelide «Chevrolet» markaly avtomobılderdiń Damas, Labo, Trailblazer, Malibu, Spark sııaqty birneshe túrin qurastyrady.
Chevrolet Damas avtobýsy men Chevrolet Labo júk mashınasynyń aqyrǵy qoljetimdi quny shamamen 3 mln teńge bolýǵa tıis. Sóıtip saýda, logıstıka, aýyl sharýashylyǵy jáne ózge de salalardaǵy shaǵyn jáne orta bıznes úshin tartymdylyǵy artady.
Qazaqstanda avtomobıl jasaý – ekonomıkanyń serpindi damyp kele jatqan salalarynyń biri ekenin aıta ketý kerek. Aǵymdaǵy jyly avtomobıl ónerkásibi ónimderiniń jalpy kólemin jylyna 100 myńǵa jetkizý josparlanyp otyr. Salada oqshaýlanýdyń orta deńgeıi 50%, kommersııalyq tehnıkalar men avtobýstar boıynsha 60-65% deıin jetedi.