Naýqastardyń 40 paıyzy – 30 jasqa deıingi jastar

Bas qaladaǵy koronavırýstyq ınfek­sııa boıynsha aǵymdaǵy jaǵdaıǵa toqtal­ǵan Altaı Kólginov: «Elordada vırýs juq­tyrǵan 1686 naýqas tirkeldi. 835 pasıent nemese 51 paıyzdan astam azamat emde­lip shyqty. Qalǵandary áli karantınde. О́kinishke qaraı, 5 adam qaıtys boldy. Qazirgi kezde kúndelikti ósim statıs­tı­kasy 2-4 paıyzdy quraıdy. Naýqas aza­mattardyń 40 paıyzy – 30 jasqa deıingi jastar, al 35 paıyzy – 30 jastan 50 jasqa deıingi azamattar. Iаǵnı osy statıs­tıkaǵa júginetin bolsaq, koronavırýs jas talǵamaıdy. Sondyqtan barlyǵymyz birdeı saqtanýymyz kerek», dedi.

Basty mindet – naýqastardy der kezinde anyqtaý

Koronavırýs juqtyrǵandardy der kezinde anyqtaý maqsatynda testileýdiń kólemi ulǵaıtyldy. Qazir kúnine 3 myń­nan astam adamǵa testileý júrgizilýde. «Tó­tenshe jaǵdaı bastalǵan alǵashqy kún­derde qalada bir ǵana zerthana jumys istegen bolsa, qazir beseýge deıin jetti. Al­daǵy ýaqytta taǵy úsh zerthana ashamyz. Búginge deıin 118 myń testileý júrgizildi. Zerthana ashýǵa mesenattar da kómektesip jatyr. Mysaly, Bolat О́te­muratovtyń qory 2 mln dollarǵa qalamyzǵa zerthana alyp berýde. Nur­lan Smaǵulovtyń kómegimen bizdiń emha­nalardyń barlyǵyna teplovızor ornatyldy jáne aýrýhanalarǵa qajetti medısınalyq qural-jabdyqtar alyndy», dedi shahar basshysy. 

Ákimniń aıtýynsha, qazir qaladaǵy emhanalardyń sımptomy bar naýqastardy qabyldaý tártibi ózgergen. «Prezıdenttiń tapsyrmasyna sáıkes birqatar is-shara­lardy qabyldadyq. Indet bastalǵan kezde pnev­monııa nemese JRVI sııaqty basqa da aýrý belgileri bar azamattardyń barlyǵy aýrý­hanalarǵa jetkizildi. Tájirıbe kórset­kendeı, bul dárigerlerge qaýip tóndirdi. Sondyqtan biz pnevmonııa dıag­nozy bar azamattarǵa tek qana temir jol aý­rý­hanasyn belgilesek, JRVI nemese basqa da sımptomy bar naýqastardy tek №2 emhana qabyldady. Al tótenshe jaǵ­daı bitkennen keıin qaladaǵy barlyq 14 em­hanada arnaıy bólek esik ashyp, mun­daı azamattardy arnaıy dárigerler qabyl­daıdy. Bul sharalar arqyly 150-ge jýyq vırýs juqtyrǵan adamnyń basqa aýrýha­nalarǵa barýyna jol bermedik. Iаǵnı biz dári­gerlerdi jáne basqa da turǵyndardy qaýipten saqtap qaldyq. Vırýs anyqtalǵan azamattar emdelip shyqty», dedi qala basshysy.

4 myńǵa jýyq medısına qyzmetkerine ústemeaqy berildi

Memleket basshysynyń tapsyrmasyna sáıkes elordadaǵy aldyńǵy shepte qyzmet atqarǵan 4 myńǵa jýyq medısına qyzmetkerine el qazynasynan bólingen 1 jarym mlrd teńge qarajat syıaqy jáne járdemaqy retinde úlestirilgen. Budan bólek mesenattar men kásipkerlerdiń kómeginiń arqasynda tótenshe jaǵdaı kezinde 700-ge jýyq medısına qyzmetkeri eń zamanaýı qonaqúılerge ornalastyryldy. Bul dárigerlerdi ǵana emes, basqa da azamattardy qaýipten saqtaǵanyn aıtqan ákim qolushyn sozǵan qaıyrymdy jandarǵa qala turǵyndarynyń atynan rızashylyǵyn bildirdi. Al bas qalada qysqa merzimde salynǵan 250 oryndyq jańa ınfeksııalyq aýrýhanadan vırýs juqtyrǵan 150 kisi emdelip shyqsa, ózgeleri emin jalǵastyrýda.

Tótenshe jaǵdaı kezinde elorda tur­ǵyndaryna kórsetilgen áleýmettik kómek­terge toqtalǵan ákim: «Sáýir aıynda 270 myń adam 42500 teńgeden járdemaqy alsa, al mamyr aıynda qosymsha 130 myńnan astam azamat osyndaı qoldaýǵa ıe boldy. Tutastaı alǵanda memlekettik bıýdjetten 20 mlrd teńge tek osy maqsatqa bólindi. Elbasynyń Úndeýine sáıkes Nur Otan partııasymen birge «#BizBirgemiz» aksııasynda bizdiń mesenattar, kásipkerler jáne basqa da janashyr azamattar úlken qoldaý kórsetti. Mysaly, 43 myń az qamtylǵan qala turǵynynyń esepshotyna 50 myń teńgeden kómek qarajat tústi. Buǵan 2 mlrd 100 mln teńgeden astam qarajat jum­saldy. Bul bıýdjetten tys qarajat. Sony­men birge 34 myń otbasyǵa azyq-túlik kó­megi berildi. Buǵan da bıýdjetten tys 1 mlrd teńgege jýyq aqsha jumsaldy. Memle­kettik áleýmettik kómekti 4 jarym myń az qam­tylǵan otbasynyń balasy aldy. Al ataýly áleýmettik kómek 3 jarym myń otbasyǵa berildi», dedi.

 Balabaqshalar ázirge tolyq ashylmaıdy

«Ekeýi de jumys isteıtin jáne bala­laryn úıde qaldyryp ketýge múmkin­digi joq ata-analardyń ótinishimen bala­baq­shalarda kezekshi toptar ashtyq. Bir topta 15 balaǵa deıin ruqsat berdik. Jal­py qaladaǵy balabaqshalarda 55 myńnan astam bala bolatyn bolsa, qazir bala­baqshaǵa tek 3 myńnan astam sábı barýda. Sondyqtan epıdemııalyq jaǵdaıǵa baıla­­nysty balabaqshalardy 1 maýsymnan bas­tap tolyq ashýdy kózdemeımiz. Sony­men qatar jazǵy lagerlerdiń jumysy da ázirge bastalmaıdy. Bul másele bo­ıynsha maýsym aıynyń ortasynda qosym­sha málimet beremiz», dedi qala bas­shysy.

Sondaı-aq tárbıeshilerdi testimen tek­­serý ońaıǵa soqpaıtynyn atap ótti. «El­or­dada 6 myńnan astam tárbıeshi bar. Olar­dyń barlyǵyn birden testiden ótkizý úl­­ken salmaq bolady. Balalarda nemese tár­­bıe­shi­lerde qandaı da bir sımptom baıqalsa birden dárigerge jiberiledi», dedi ol.

Karantın erejelerin buzǵandar tótenshe jaǵdaı bastalǵannan beri baı­qalýda. Iаǵnı, osy ýaqyt ishinde 5 myńnan astam azamatqa aıyppul salynyp, 300-ge jýyq elordalyq turǵyn ákimshilik jazaǵa tartylǵan. Al myńǵa jýyq adamǵa eskertý berilgen.

 Maqsat – jappaı jazalaý emes

«Bizdiń maqsatymyz – jappaı jazalaý emes, qaıta azamattarǵa túsindirý. Bul árqaısymyzdyń ómirge degen kóz­qarasymyzǵa, densaýlyqqa degen jaýapkershiligimizge baılanysty. О́ıtke­ni árbir azamatqa birden tártip saqshy­syn qoıa almaımyz. Tek qoǵam bolyp saq­tan­ǵanda ǵana indetti jeńemiz», dedi A.Kól­gi­nov.

О́tken aptadan bastap megapolıstegi iri saýda ortalyqtarynyń jumysy jandana bastady. Munda qajettilik pen jumystyń jalǵasýyn qamtamasyz etý kózdelgenin aıtqan ákim sanıtarlyq normalardyń saqtalýyna árbir saýda ortalyǵynyń basshysy jaýap beretinin atap ótti. «Azyq-túlik bazarlaryna áý bastan ruqsat etkenbiz. Algorıtmge sáıkes, iri saýda ortalyqtaryna da ruqsat berildi. Biraq ol jerde sanıtarlyq talaptar tolyqtaı saqtalýy kerek. Buǵan sol mekemelerdiń basshylary tike­leı jaýap beredi. Olarǵa kúndelikti mo­nı­torıng jasalyp jatyr. Árıne qaýip bar. Soǵan qaramastan saýda ortalyqtary turǵyndardyń jumys júr­gizýi men qajettiligi úshin ashylyp otyr. Biraq maska taǵyp, anıseptık qoldaný mindetteledi. Eger mekeme basshysy sanıtarlyq talaptardy saqtamasa, jekelegen adamdar qoǵamdyq ortada mas­kasyz júretin bolsa tıisti jazaǵa tartylady», dedi ol.