Búgin Almaty qalasynyń Bas memlekettik sanıtarlyq dárigeri Jandarbek Bekshınniń málimdeýinshe, 2020 jyldyń 2 maýsymynda epıdemıologııalyq jaǵdaıǵa sáıkes, Almaty qalasynyń aýmaǵyndaǵy 649 aýrý oshaǵynda COVID-19-dyń 2715 oqıǵasy tirkeldi.
Indet juqtyrý qalanyń barlyq aýdandarynda tirkelgen. Jalpy alǵanda, syrqattanǵandardyń 97-si Qazaqstan Respýblıkasynyń basqa óńirleri men shetelderden keldi, onyń ishinde 66-sy shetelden kelgender.
Almaty qalasy boıynsha syrqattanǵandardyń jalpy kórsetkishiniń syrttan ákelgen oqıǵasynyń úles salmaǵy 3,7%-dy quraıdy.
Joǵaryda atalǵan 2715 syrqattaný oqıǵasynyń profılaktıkalyq tekserý kezinde 28,8%, óz erkimen tekserilý barysynda - 3,3%, baılanysta bolǵandar arasynda - 67 ,8% anyqtaldy. Syrqattanǵandardyń 1627-si nemese 60%-y jazylyp shyqty. Sondyqtan karantındik shekteý is-sharalary odan ári jalǵasady.