Sháken Aımanov atyndaǵy «Qazaqfılm» AQ ekinshi pıtchıng nátıjeleri boıynsha mıllıard teńgege jýyq qarjy alady. Bul týraly búgin Ulttyq kınony memlekettik qoldaý ortalyǵy habarlady.
Sársenbi kúni, 3 maýsymda Ulttyq kınony qoldaý memlekettik ortalyǵy ekinshi pıtchınginiń nátıjeleri boıynsha memlekettik qarjylandyrýdy alǵan kartınalar tizimi belgili boldy.
Eń iri benefısıar jalpy somasy mıllıard teńgege jýyq on úsh jobaǵa qoldaý alǵan «Qazaqfılm» kınostýdııasy boldy. Saraptamalyq keńes jáne Vedomstvoaralyq komıssııa májilisteriniń qorytyndylary boıynsha qarjylandyrýǵa maquldaýdy kelesi jobalar aldy: «Serıkbol Kondybaı: voın dýha», «Prıroda Kazahstana: Ýstıýrtskıı zapovednık», «Kasym Djakıbaev», «О́liara», «Altyn Adam», «Taýtaı-laq», «Gorıachee ozero», «Samyı dolgıı den leta», «Kóshe aqyny», «Rýh», «Granata», «Vozvrashenıe morıa» jáne «Nomady XXI veka».
Ekinshi pıtchıng nátıjeleri boıynsha qarjylandyrylatyn qalǵan 29 joba jeke stýdııalardyń kúshimen túsiriletin bolady. Olardy júzege asyrý úshin bes mıllıardqa teńgege jýyq qarjy bólinedi.
Ekinshi pıtchıngtiń nátıjeleri boıynsha «UKQMO» KEAQ kınojobalardyń buryn-sońdy bolmaǵan sanyna bir mezette qoldaý kórsetti – qarjylandyrylýdy ótingen 223 usynystyń ishinen 42 kartına qarjylandyrylady.
ALMATY