Toıǵa qashan toqtam bolady?

Qala bıligi demalys kúnderi karantın sharalaryn kúsheı­tip, azyq-túlik satatyn dúken­derge deıin jaýyp, dezınfek­sııalaý úshin jumysyn kidirtip, qoǵamdyq kólikterge deıin toq­ta­týǵa amalsyz baryp jat­qan­da, ózi­ne indet jetpegennen keıin oıyn-saýyǵyn tyıa almaı otyr­ǵan aǵaıyndardy tabý qıyn emes.

Sonymen, senbi, ıaǵnı 27 maýsymda sanıtarlyq talaptardyń saqtalýyn baqylaý jónindegi mobıldik top tańǵy saǵat 08.00-den 18.00-ge deıin nysandardy aralap, sanıtarlyq normalardy elemeıtinderdi anyq­tady. Atap aıtsaq, «Dostlýk» dámhanasy. Dámhana aýmaǵynda sanıtarlyq normalar óreskel buzylyp, odan bólek 100 adamǵa ar­nalǵan úılený toıy ótken. Áıt­­pese, qaladaǵy barlyq qo­ǵam­­dyq tamaqtaný oryndary men toıhanalarǵa qaıta-qaıta qa­tań eskertý berilip júrgeni be­se­ne­den belgili. Dámhana ıesi­ne ákimshilik hattama tolty­ry­lyp, banket sol mezette toq­ta­tyl­dy. Epıdemıologterge ja­byq ǵımarattar vırýstyń tara­lýyna qolaıly orta ekenin ke­zek­ti ret túsindirýge týra kel­di. Atal­ǵan dámhana jabylyp, Al­maty qalalyq Taýar­lar men qyz­met­terdiń sapasyn baqylaý depar­tamentiniń mama­ndary ákimshilik quqyq buzýshy­lyq týraly hattama toltyryp, is sotqa jiberildi.

Qazir Almaty qalasy ákiminiń tapsyrmasy boıynsha monıtorıng toptary kásipkerlik sýbektileriniń sanıtarlyq talaptardy saqtaýyn baqylaý boıynsha qarqyndy jumys júrgizip jatyr. Jalpy, qalada 5395 nysan tekserildi. Sonyń ishinde 591 nysannyń Almaty qalasynyń bas memlekettik sanıtarlyq dárigeriniń qaýlysyndaǵy talaptaryn óreskel buzǵany anyqtaldy. Osyǵan baılanysty 571 nysannyń qyzmeti eskertýler joıylǵanǵa deıin toqtatyldy. Sonymen birge 22-27 maýsym aralyǵynda monıtorıngtik top 479 ShOB sýbektilerin qamtydy. Bas memlekettik sanıtarlyq dárigerdiń qaýlysyn qulaǵyna qystyrmaǵan «Azamat», «Qazyna», «Dáýlet» dúkenderi, «Lanzhou», «Jastar», «Qaraǵaıly», «Alataý», «Shaǵyn market», «Aqbópe», «Asqar», «Aı-Arý»», «Dıalog» ashanalary, kókónis dúkeni, «Aqjol» avtobólshekteri dúkenine qatań sharalar qoldanyldy. Sondaı-aq tártip buzǵandar tizimine Báıterek, Sababa, Daredjanı, Tomato, Horoshıı god, Leo`s Cafe & Terrace, Frau Irma, Mıata Platinum, Tarhýn, Samal, Iаkor, Friuli, KenRai, Lobby, Juldyz, Crudo, Shah, Pýgasov, Origano,  Zoloto, Ý Stefanıı, Good-Beef Steak House, Sea Marinè, Velour, Dýshevnaıa kýhnıa Shef, Del Papa, Alasha, Park Hall, Jaılaý, kafeterıılerden Dástúr, Alataý Sentr, Afısha, Cicek Mangal, Teplısa, Pekınskaıa Ýtka, VetKafe, Pýblıka, Gostı, Go bar, Tamshy bulaq, Mamlambo, ZEN, Zlato, Altyn-Aı, Vostochnyı Kvartal, Kofeınıa, Excellent, Kalispera, Gloria Jean’s Coffees, Urban Coffee, Honest, Mandarino, Eclair, Nautika, Masıso, Jan Plov lagman, Coffeedelia, Bisquit, Jazǵy  aýla, Mansarda, Stolovaıa syrmaq, Keremet, Provans, salon jalıýzı, Mamaeva JK, Cherkash sekildi meıramhana keshenderi kiredi.

Sol sııaqty sanıtarlyq normalardy saqtamaǵany úshin 40 shaqty dámhana qalalyq bıliktiń qyryna iligip otyr. Sonymen qatar sanıtarlyq-epıdemııa­lyq erejelerdi óreskel buzǵan úsh «Lagmanhana», «Striker» kompıýterlik klýby, «Ahchııa» TJS, «Doctor» shınomontajy, «Sytyı papa», «Medina» kólik jýý oryndary, sondaı-aq «Milky Ice» balmuzdaq dúńgirshekteri, samsa, eki doner dúńgirshegi, «Shahın», «Asel», «Nurly», «Lıazzat» azyq-túlik dúkenderine arnaıy sharalar qoldanylady.

ALMATY