Baspasóz konferensııasy barysynda qala ákimi Baqytjan Saǵyntaev koronavırýstyń taralýyn boldyrmaý maqsatynda qala ákimshiliginiń aldynda turǵan basty mindetterdi atap, koronavırýs pandemııasymen kúreste qabyldanyp jatqan sharalardy túsindirdi.
Baqytjan Saǵyntaev jarııalanǵan karantınniń basty maqsaty - adam óliminiń kóbeıýine ákeletin jáne ekonomıkaǵa keri áserin tıgizetin jappaı juqtyrýdyń jaǵymsyz jaǵdaılaryn boldyrmaý ekenin atap ótti.
"Uzaq merzimdi karantın aýrý oshaqtary men táýekel aımaqtary boıynsha ıkemdi, targettelgen bolýy tıis. Ol úshin bizge qala ómirin karantındik sharalarynyń qyzmet etip otyrǵan ekonomıkamen birigetindeı uıymdastyrý qajet. Bizge halyq ta, bıznes te qabyldaıtyn megapolıs ómirin uıymdastyrýdyń jańa logıstıkasy qajet", - dep tolyqtyrdy Baqytjan Saǵyntaev.Osylaısha, koronavırýs pandemııasymen kúrestiń birinshi kezektegi 10 qadamy anyqtaldy: 1. Almaty – Almaty oblysy makroóńiri deńgeıinde karantın rejımin sınhrondaý: Almaty aglomerasııasy - birtutas sharýashylyq organızm. Ońtaıly sheshim-Almaty men Almaty oblysynda epıdemııaǵa qarsy biryńǵaı saıasatty júrgize otyryp, qala mańyndaǵy ortaq tásildi, biryńǵaı qaýipsizdik normalaryn, baqylaý men basqarýdyń jalpy júıesin ázirleı otyryp, “qalany jabýǵa” jol bermeý.2. Vırýstyq qaýiptilik deńgeıi boıynsha aýmaqtardy segmentteý: indettiń jańa kezeńinde juqtyrý oshaqtaryn buǵattaýda – buǵattan shyǵarýda "naqty" tásil. 3. Bıznes úshin karantındik hattamalardyń oryndalý monıtorıngi: barlyq kásiporyndarda vırýsqa qarsy rejımniń engizilýi. Bul rejım ártúrli kásiporyndar úshin halyqpen baılanysýdyń qarqynyna qaraı ózgerip otyrady. 4. Turǵyndarǵa medısınalyq kómekti durys uıymdastyrý: mindet - medısınalyq júıe pasıentterdiń aǵymyn jeńe almaıtyn kezde «epıdemııalyq daǵdarystyń» aldyn alý. Azamattardy qorǵaýdyń bes eshelony quryldy:1-shi eshelon. Barlyq medısına qyzmetkerleri men medısınalyq mekemelerdi vırýsqa qarsy qorǵaýdyń qatań sharalary. Sharalar, sonyń ishinde, COVID 19 tikeleı jumys istemeıtin medısına qyzmetkerlerine qoldanylady; 2-shi eshelon. Jeńil túrde jáne sımptomsyz juqtyrǵandar úshin úıde emdeý (baqylaý). Telemedısına; 2-oı eshelon. 3-shi eshelon. Ortasha formadaǵy naýqastar úshin stasıonarlyq emdeý. Sonymen birge, emdi sońyna deıin jetkizý stasıonarlary. 4-shi eshelon. Aýyr túrdegi naýqastar úshin stasıonarlyq emdeý; 5-shi eshelon. jansaqtaý bólimsheleri. Eshelondalǵan tásil medısınalyq resýrsty jedel bólýge jáne 4-shi jáne 5-shi eshelondardyń shamadan tys júktelýine jol bermeýge múmkindik beredi. 5. Jedel járdem jumysyn marshrýttaý: qorǵaý eshelondaryna sáıkes, 4-shi jáne 5-shi eshelondarǵa eń joǵary júktemelerden aýlaq bolý. 6. Jalpy qalalyq plazma banki: jańa baǵyt pysyqtalatyn bolady. Vırýs antıdeneleri bar saýyqtyrylǵan adamdardyń qan plazmasy mańyzdy emdeý resýrsy bolyp tabylady jáne aýyr jaǵdaıdaǵy adamdardy qutqarý úshin qoldanylady. 7. Kólik aǵyny jáne azamattardyń qozǵalý trafıgin taldaıtyn Sıfrly ákimshilik, ásirese epıdemııa órshigen jaǵdaıda;8. Áleýmettik monıtorıng: COVID – 19 juqtyrǵan adamnyń minez-qulqyn baqylaýdyń sandyq júıesi (arnaıy mobıldi qosymsha). Júıe úıde emdelip jatqantardyń karantındi qalaı ustanatynyn, karantın tártibin buzýshylardy jedel anyqtaýǵa jáne buzýshylyqtardy joıýǵa, sol arqyly ınfeksııanyń odan ary taralýyn boldyrmaýǵa múmkindik beredi. 9. Ekinshi tolqynǵa daıyndyq: barlyq jınaqtalǵan medısınalyq resýrs jáne barlyq uıymdastyrý resýrsyn jańa jumyldyrýǵa 100% daıyndyqta ustaý. Jınaqtalǵan resýrstardyń aýdıti (tósek-oryn, kadrlar, jabdyqtar, tehnologııalar jáne t. b.). 10. Jappaı vırýsqa qarsy nasıhat: halyqty epıdemııaǵa qarsy uzaq merzimdi kúreske daıyndaý. Epıdemııaǵa qarsy normalar men erejelerdi damytý, nasıhattaý, dárigerler men volonterlerdiń erlik jumysyn jarııalaý.