Almatyda qala ákiminiń orynbasary Saparbek Tuıaqbaevtyń tóraǵalyq etýimen ótken arnaıy keńesinde "Inkar" JShS qalaǵa qosymsha 150 000 dana "Parasetamol" ákelingeni jáne jýyq arada 850 000 dana dári jetkiziletini týraly habarlady.
Sondaı-aq, jumys kezdesýine Almaty qalasynyń bas sanıtarııalyq dárigeriniń orynbasary, qalanyń quqyq qorǵaý organdarynyń, Kásipkerlik jáne ınvestısııalar basqarmasynyń, Qoǵamdyq densaýlyq saqtaý basqarmasynyń, Taýarlardyń jáne qyzmetterdiń sapasy men qaýipsizdigin baqylaý departamentiniń, Almaty dárihanalarynyń iri jelileriniń, sondaı-aq Qazaqstan Respýblıkasynyń farmqyzmetin qoldaý jáne damytý qaýymdastyǵynyń jáne t.b. ókilderi qatysty.Keńeste Taýarlardyń jáne qyzmetterdiń sapasy men qaýipsizdigin baqylaý departamentine (TQSQBD) qala dárihanalarynda dárilerdiń bolýyna jáne olarǵa qoıylǵan baǵalarǵa kún saıyn monıtorıng júrgizip otyrý tapsyryldy. Quqyq qorǵaý organdarynyń aldyna dári-dármekterdi zańsyz, onyń ishinde, onlaın alańdary arqyly satýǵa jol bermeý boıynsha turaqty negizde jumys júrgizý mindeti qoıyldy. Ákimniń orynbasarynyń tapsyrmasyna sáıkes, IID TQSQBD birlesip, alyp qoıylǵan dári-dármekterge taldaý júrgizýi jáne qalanyń Jedel shtabyna ótkizýi tıis.Budan buryn, Almaty qalasy ákimdiginiń naryq qatysýshylarymen jáne tıisti memlekettik organdarmen Almaty qalasynyń dárihanalaryna áleýmettik mańyzy bar dárilerdiń 41 túrin basymdyq tártipte kúndelikti jetkizý máselesin sheshkenin esterińizge salamyz. Bul maqsatta, farmkompanııalarmen Kelisimge qol qoıyldy jáne 103 dárihanadan turatyn tizim belgilendi, olarǵa dárini basymdyq tártipte jetkizetin bolady. Atalǵan tizimge taǵy da eki dárihana belgilendi, ol ári qaraı keńeıedi jáne ári qaraı tizimge qosylady. Osylaısha, búgingi kúni, tizimde 105 dárihana bar, olar qalanyń árbir aýdanynda bar. 41 preparattyń árqaısysy boıynsha negizsiz dúrbeleń týdyrmas úshin bir qolǵa satýdyń qol jetimdi sany belgilendi. Dárihanalardyń dárilerdiń baǵasyn kótermeý jáne bir qolǵa bir ataýly dáriniń 3 birliginen artyq birligin satpaý mindeti kózdeldi.Baǵalardy baqylaý maqsatynda qalanyń atalǵan 105 dárihanasynda kún saıyn dárilerdiń baǵasyna monıtorıng júrgizilip otyrady. Sondaı-aq, Almaty qalasy boıynsha Taýarlardyń jáne qyzmetterdiń sapasy men qaýipsizdigin baqylaý departamenti iri jetkizýshilerdi, óndirýshilerdi jáne dárihana jelilerin qoımadaǵy bar jáne kelýi kútilip otyrǵan dáriler boıynsha durys aqparat berýge mindetteıtin qaýly qabyldady.Jalpy alǵanda, qalany qajetti dárilermen jáne termometrlermen qamtamasyz etý máselesi sheshildi. Iri jetkizýshiler kún saıyn "Parasetamol", "Ibýprofen", "Efferalgan", "Aspırın", "Tamıflıý", "Ingavırın", "Azıtromısın" jáne "Sýmamed" sekildi dári-dármekterdi jetkizýdi júzege asyrady.Búgingi keńes sheńberinde, budan buryn 2020 jylǵy 2 shildedegi Kelisimge qol qoıǵan barlyq qatysýshylarǵa dárihanalardy dári-dármektermen qamtamasyz etý boıynsha jedel sharalar qabyldaý tapsyryldy.5 shildedegi derekter boıynsha qalanyń dárihanalaryna 115 000 dana "Parasetamol", 30 000 dana termometr, 20 000 dana "Ibýprofen", 35 000 dana "Ingavırın" jáne basqa da dáriler jetkizildi. Búgin qosymsha 150 000 dana "Parasetamol" jáne 50 000 dana termometr júk túsirildi. 8 jáne 12 shildede 850 000 dana "Parasetamol" qosymsha jetkiziledi dep kútilýde.Sonymen birge, quqyq qorǵaý organdarynyń derekteri boıynsha, tekserý nátıjesinde dárini, onyń ishinde, "Sefazolın", "Tamiflu" jáne "Ingavırın 90" dárilerin zańsyz satý jaıttary anyqtaldy, onyń nátıjesi boıynsha tıisti sharalar qabyldandy, sotqa deıingi tergeý isi júrgizilýde.