Baqytjan Jaqsyqulov talaı shákirt tárbıelep, álemdik deńgeıdegi baıraqty básekelerde tórelik jasap júrgen belgili azamat. United World Wrestling Sýpervaızeri (Azııa qurlyǵy tóreshileriniń jetekshisi) ataǵyn alǵan alǵashqy qazaqstandyq, dep jazady Egemen.kz
Bapker, Qazaqstan Respýblıkasynyń eńbek sińirgen jattyqtyrýshysy boldy. Respýblıkalyq jarystarda, Azııa chempıonattarynda, Halyqaralyq jarystarda tórelik etý dárejesine satylap jetip, 2011 jyly álemdegi Halyqaralyq Olımpıada dárejesindegi 50 tóreshiniń qataryna endi. Olımpıada dárejesindegi tóreshiler sport álemindegi eń joǵarǵy elıta. Bul dárejege laıyqtylardy FILA bekitedi. Demek, bul elimizdiń úlken jetistigi, maqtanyshy desek te bolady. Sporttyń «Grek-rım, erkin jáne áıelder kúres» túrlerinen Qazaqstan Respýblıkasynyń eńbek sińirgen jattyqtyrýshysy.
2012 jyly ótken London jáne Rıo-2016 Olımpıadalarynda tóreshilik etken.
Alǵashqy qyzmet joly 1999 jyly Shymkent qalasyndaǵy №5 balalar men jasóspirimderdiń mamandandyrylǵan sport mektebinde aǵa jattyqtyrýshy bolýdan bastalǵan. Keıinnen OQO jekpe-jek túrlerinen joǵary sport sheberler mektebiniń erkin kúres bóliminiń aǵa jattyqtyrýshysy bolyp taǵaıyndaldy.
2013 jyldan beri Shymkent qalasynyń dene shynyqtyrý jáne sport basqarmasyna qarasty Lázzat Tájıeva atyndaǵy №4 olımpıada rezerviniń mamandandyrylǵan balalar-jasóspirimder sport mektebiniń dırektory qyzmetin abyroımen atqaryp keledi.
Atalǵan mektepte balalardy sporttyń 10 túri boıynsha baýlıdy. Sport oıyndarynan – gandbol, voleıbol, basketbol, ıntellektýaldyq oıyn túrlerinen – shahmat, doıby, toǵyzqumalaq, jekpe-jek túrlerinen – qazaq kúresi, belbeý kúresi, boks jáne aýyr atletıka.
Baqytjan Jaqsyqulov mektepte búgingi tańda 848 sportshy bar, onyń ishinde 1 grossmeıster, 4 Halyqaralyq dárejedegi sportshy, 21 sport sheberi, 85 sport sheberine úmitker, 398 ár túrli sporttyq sanattaǵy sportshylar jáne alǵashqy toptaǵy sportshylar jattyǵýda. Sport mektebimizde Qazaqstanǵa eńbek sińirgen, joǵary sanattaǵy jáne birinshi joǵarǵy sanattaǵy jattyqtyrýshylar qyzmet etip jatqanyn aıtty.
«Tóreshilik etý – qatelikti keshirmeıdi. Sebebi ol tóreshiniń abyroıyna nuqsat keltire otyra, sportshynyń da saǵyn syndyrady» deıdi sýpervaızer.
Búginde bapkerdiń baýlyǵan sportshylary túrli álemdik dodalarda top jaryp júr. «Eren eńbegi úshin» medalimen jáne túrli tós belgi, gramotalarmen marapattalǵan.