Antikor Ortalyğy alańynda Antikor.live jáne Protecting Business and Investments jobalary sheńberinde Sybaılas jemqorlyqqa qarsy is-qımyl agenttigi Nur-Sultan qalasy boıynsha departamentiniń bastamasymen elordada sybaılas jemqorlyqqa qarsy komplaensti damytý máselesi boıynsha onlaın kezdesý ótti.
Is-sharaǵa The Development Fund of Agriculture LTD (TDFA) dırektorlar keńesi tóraǵasynyń zań máseleleri jónindegi keńesshisi Amanaı Mahmetov jáne Sybaılas jemqorlyqqa qarsy is-qımyl agenttigi Nur-Sultan qalasy boıynsha departamentiniń asa mańyzdy ister jónindegi ofıseri Dıas Qozybaev qatysty.
Atalǵan kompanııada komplaens-qyzmet jumys isteıdi.
Dıas Qozybaev óz sózinde bıznesti parasatty júrgizýdiń mańyzdylyǵyn atap ótip, kvazımemlekettik sektorlarda sybaılas jemqorlyqqa qarsy komplaensti engizý mindetti zańnamalyq deńgeıde engizilgen jáne korporatıvtik adaldyq standarttarynyń saqtalýyn baqylaýdy kózdeıdi. Sondaı-aq spıker komplaens-qyzmetterdi qurý, olardy bilikti kadrlarmen jasaqtaý barlyq kvazımemlekettik sektorlarda júrgizilip jatqanyn atap ótti.
О́z kezeginde Amanaı Mahmetov TDFA qyzmeti jáne onda qurylǵan komplaens-qyzmetiniń jumysy týraly, sondaı-aq sybaılas jemqorlyqty azaıtýǵa jáne eldegi turmystyq sybaılas jemqorlyqty joıýǵa baǵyttalǵan quqyq qorǵaý organdarymen birlesken is-sharalar týraly tolyǵyraq aıtyp berdi. Sybaılas jemqorlyqqa qarsy komplaens ınstıtýty júrgizilgen sátten bastap TDFA-da parasatty bıznes qaǵıdattaryn qurý boıynsha keshendi jumys júrgizilýde, dedi spıker.
Kezdesý sońynda qatysýshylardy qyzyqtyrǵan suraqtarǵa jaýap berildi.
«Egemen-aqparat»