Jyl basynan beri Astanada bos jumys oryndaryna arnalǵan jármeńke bes ret ótkizildi, oǵan 300-ge jýyq elordalyq jumys berýshi qatysty. Kezekti jármeńke «Jastar» saraıynda ótti, dep habarlaıdy Egemen.kz qala ákimdiginiń resmı saıtyna silteme jasap.
Astana qalasynyń halyqty jumyspen qamtý ortalyǵy bos vaksansııalar jármeńkesin ótkizdi, onda 50 kompanııa qala turǵyndaryna 1820-dan astam bos jumys ornyn usyndy.
«Bizdiń kompanııa bos jumys oryndary jármeńkesine ekinshi ret qatysyp otyr. Jaqsy nátıje bar. Baǵymyz janyp, jaqsy mamandardy tabamyz dep úmittenemiz. О́tken joly ekspedıtorlar jaldadyq, al qazir merchendaızerlerdi izdep otyrmyz», dedi «Radýga» JShS ókili Raýana Bazylova.
Elordanyń halyqty jumyspen qamtý ortalyǵynyń bólim basshysy Baqyt Raqyshevanyń aıtýynsha, is-sharanyń maqsaty – jumys berýshiler men jumys izdeýshiler arasynda tikeleı baılanys ornatý, jumyssyz azamattardy jumysqa ornalastyrýǵa járdemdesý.
Jumys izdeýshilerdiń aıtýynsha, jármeńkege qatysý ýaqytty únemdeıdi jáne birden birneshe jumys berýshimen suhbattasýǵa múmkindik beredi.
«Men jumysty Headhanter jáne ózge de túrli saıttar arqyly izdeımin, biraq jumys berýshilerdiń basy qosylyp, tańdaý erki kóbirek bolǵan jaqsyraq. Ýaqytty únemdegenge yńǵaıly», dedi JOO túlegi Aıgúl Omarova.
Aıta ketsek, jumys berýshi kompanııalar memlekettik sýbsıdııalaý baǵdarlamalaryna belsendi qatysady. Osyndaı baǵdarlamalar aıasynda memleket jumyspen qamtý ortalyǵy arqyly alǵashqy aılarynda 30-dan 100%-ǵa deıin jalaqy tóleıdi.
Jumys berýshilerdiń pikirinshe, mundaı baǵdarlamalar jumys izdeýshilerge tájirıbe jınaýǵa, al kompanııalarǵa jańa qyzmetkerdiń jumysyn baǵalaýǵa múmkindik beredi.
Jyl basynan beri halyqty jumyspen qamtý ortalyǵy elordalyq 296 jumys berýshiniń qatysýymen bes jalpyqalalyq bos oryndar jármeńkesin ótkizdi. Onda qurylys, óndiris, saýda, turý, tamaqtaný, qarjy jáne saqtandyrý qyzmeti, kólik jáne qoımalaý jáne t.b. sııaqty túrli qyzmet salalary boıynsha bos 8 123 oryn usynylǵan.
Jumys berýshiler usynǵan suranysqa ıe mamandyqtar: jabdyq ınjeneri, slesar, ár túrli baǵyttaǵy býhgalter, sáýletshi, ınjener-jobalaýshy, ár túrli sanattaǵy júrgizýshi, zańger, satý jónindegi menedjer, qarjy keńesshisi, nesıe menedjeri jáne t.b.
Kadrlardaǵy eń úlken tapshylyq densaýlyq saqtaý, saýda, qurylys jáne óndiris salalarynda da baıqalady.
Bos oryndar jármeńkesine barlyǵy eki myńnan astam jumyssyz azamattar qatysty. Jármeńkelerdi ótkizý barysynda áńgimelesýge 500 adam shaqyryldy, onyń ishinde 240 izdenýshi turaqty jumys oryndaryna jumysqa ornalastyryldy.