Keıingi bes jylda О́skemende mundaı qalyń qar jaýmaǵan. Bir metrge jýyq túsken qardan aıaq alyp júrý muń boldy. Kólikterdiń qozǵalysy da qıyndaǵan. Búkil qaladaǵy qardy tazartý úshin 86 tehnıka men 150-den asa adam jumyldyrylǵan eken. Sonyń ózinde kúrep úlgermeı jatyr.
Qolaısyz aýa raıyna baılanysty 14 jeltoqsan kúni О́skemen qalasy men Glýbokoe aýdanyndaǵy orta mektepterdegi barlyq synypta sabaqtar qashyqtan oqytýǵa kóshirildi. Tipti eresekterdiń ózi jumysqa keshigip jetken. Aıtyp ótkendeı, onsyz da sırek júretin qoǵamdyq kólikter bul kúnderi qatynaýyn múldem sıretken. Al aıaldamalardyń kóbin qar basyp jatty. Joldaǵy qar tolyq tazalanbaǵandyqtan, keıbir avtobýs júrgizýshileri reıske shyǵýdan da bas tartqan.
– Búgin bizde qanshama avtobýs júrgizýshileri jumysqa shyqqan joq. О́ıtkeni joldar kúrelmegen, jasqanamyz. Kúrelmegenimen qoımaı, joldar tar. Aıaldamada aınala almaısyń. Qar degen taý tóbe, – deıdi avtobýs júrgizýshisi Bolat Músekenov.
«Taza О́skemen» KMK dırektory Ashat Tájenovtyń aıtýynsha, keıingi eki aptadan beri qar kún ara tolassyz jaýǵan. Al sońǵy eki-úsh kúnde qalyńdyǵy bir metrge jetti.
– Mundaı qalyń qar bes-alty jyl buryn jaýǵan. Sondyqtan tórt-bes jylda bir túsetin qar úshin tehnıkanyń sanyn kóbeıtý tıimsiz. Turǵyndar sál shydamdylyq tanytsa, bári retteledi, – deıdi A.Tájenov.
Sondaı-aq bul kúnderi О́skemen – Altaı baǵytyndaǵy kúre jolǵa shekteýler engizildi. Qarly borannan soń aıaz tústi. Sınoptıkterdiń boljaýynsha, bıyl qys qatty bolatyn sekildi.
Shyǵys Qazaqstan oblysy