Qaraǵandy qalasyndaǵy 16 qabatty turǵyn úıdiń 8-shi qabatynda gaz jaryldy. Zardap shekkender týraly aqparat naqtylanyp jatyr, dep habarlaıdy Egemen.kz.
Qaraǵandyda tótenshe jaǵdaı oryn aldy. 16 qabatty turǵyn úıdiń 8-shi qabatynda gaz jaryldy.
Qutqarýshylar turǵyndardy evakýasııalaý jumystaryn júrgizip jatyr.
Apat ornyna oblys ákimi Ermaǵanbet Bólekpaev bardy.
«Oqıǵa ornyna Qaraǵandy oblysy TJD, Jedel-qutqarý jasaǵynyń, Apattar medısınasy ortalyǵynyń 50 adamy men 12 birlik tehnıka jiberildi», dep habarlady oblystyq TJD baspasóz qyzmeti.
Jalyn saǵat 22:37-de oqshaýlandy. Aldyn ala aqparat boıynsha, jarylys bolǵan páterde úsh adamnyń denesi tabyldy. Taǵy bir jábirlenýshi aýrýhanaǵa jatqyzyldy.
Evakýasııalanǵan turǵyndardy jylytý úshin oblystyq Tótenshe jaǵdaılar departamenti 3 vahtalyq avtobýs jiberdi.