Jambyl oblysynda esirtki qylmysyn ashý barysynda qarý-jaraq saqtalǵan oryn tabyldy, dep habarlaıdy Egemen.kz Polisia.kz-ke silteme jasap.
Jambyl oblysy Polısııa departamentiniń esirtki qylmysyna qarsy is-qımyl jónindegi qyzmetkerleri jedel-izdestirý sharalary barysynda Tóle bı aýylynda bos qalǵan ǵımarattyń ishinen qarý-jaraq taýyp aldy.
Polıseıler jasyrylǵan jerden jartylaı avtomatty tegis uńǵyly Mossberg myltyǵyn, eki tegis uńǵyly IJ-16 myltyǵyn, eki uńǵyly TOZ-16 eki sholaq myltyqty, tórt uńǵyly PB-4 Osa tapanshasyn, Revolver Reg agent gaz tapanshasyn, PM tapanshasyn, jaryq dybystyq granatalar men oq-dárilerdi alyp shyqty. Tabylǵan PM tapanshasy qańtar oqıǵalary kezinde Polısııa departamentiniń qoımasynan urlanǵan.
IIM Esirtki qylmysyna qarsy is-qımyl departamenti bastyǵynyń orynbasary Baqytjan Ámirhanovtyń aqparatyna súıensek, jyl basynan beri esirtkige qarsy kúres barysynda osyndaı tórt qarý-jaraq orny tabylǵan.