23-shi halyqaralyq Vılnıýs kitap kórmesinde Muhtar Áýezovtiń «Abaı joly» roman-epopeıasy, Ánýar Álimjanovtyń «Ustazdyń oralýy» romany, sondaı-aq lıtva tiline aýdarylǵan jáne Qazaqstannyń Lıtvadaǵy elshiligi men «Jara» baspasymen shyǵarylǵan qazaq halyq ertegileriniń jınaǵy usynyldy, dep habarlaıdy Egemen.kz.
«Kórmege kelýshiler Qazaqstan ádebıeti klassıkteriniń shyǵarmalaryn aýdarý jáne qaıta basyp shyǵarýdaǵy orasan zor jumysty atap ótip, usynylǵan kitaptarǵa qyzyǵýshylyq tanytty. Elshilik pen «Jara» baspasy birlesip júrgizip jatqan jumystar lıtvalyq oqyrmandardyń qazaq halqynyń mádenıeti men tarıhy, onyń jany men taǵdyry týraly bilimderin keńeıtýge baǵyttalǵan», delingen SIM baspasóz qyzmetiniń habarlamasynda.
Lıtvalyq baspager Aıdas Jandarıs «Abaı joly» romanynyń qaıta basylý tarıhy týraly aıtyp bergen.