О́ńir mektepteriniń qajettiligin eskere otyryp, bıyl oblystyq bıýdjetten 10 avtobýs satyp alý týraly sheshim qabyldanǵan edi.
О́ıtkeni oblystyń Jezqazǵan, Qarajal qalalary men Jańaarqa aýdanynda oqýshylardy mektepke kólikpen tasymaldaý qarastyrylǵan. Atap aıtqanda, oblys boıynsha 1 026 oqýshy, sonyń ishinde, Jańaarqa aýdanynda – 347, Jezqazǵan qalasynda – 135, Qarajal qalasynda 544 oqýshy mektepke tasymaldaý arqyly qatynaıdy.
Halyqaralyq balalardy qorǵaý kúninde josparlanǵan 10 avtobýstyń ekeýi Jezqazǵan qalasynyń №13 mektebi men Jańaarqa aýdanynyń Qyzyljar jalpy bilim beretin mektebine saltanatty túrde tabystaldy.
Jańa oqý jylyna deıin Qarajal qalasynyń №1, 30 mektepterine, Ulytaý aýdanynyń № 6, 1 tirek mektepterine, Jańaarqa aýdanynyń №1 mektep-lıseıine, Sátbaev qalasynyń Oqýshylar saraıyna, Jezqazǵan qalasyndaǵy Abaı atyndaǵy mamandandyrylǵan mektep-ınternatyna, №3 «Bilim-ınnovasııa» lıseı-ınternatyna da avtobýstar beriletin bolady. Kelesi jyly da oblystyq bıýdjetten qarjy qarastyrý arqyly mektepterdiń avtoparki jańartyla bermek.
Ulytaý oblysy