Bıyl «Agrarlyq kredıttik korporasııa» AQ-ǵa kásipkerlik bastamalardy iske asyrý úshin 5 796 adamǵa shaǵyn nesıe berý josparlanǵan. Osyǵan oraı jeńildetilgen mıkrokredıt alýǵa 5,1 myńnan astam ótinish tústi.
Mıkrokredıt alýǵa ótinim berýshilerdiń deni Túrkistan, Jambyl, Almaty, Batys Qazaqstan, Qyzylorda, Jetisý oblystarynan eken. Konkýrstyq komıssııalardyń sheshimimen 3 169 joba maquldanypty. Onyń ishinde 2 385-in iske asyrýǵa kredıt berilgen. Kredıt alýshylardyń basym kópshiligi mal sharýashylyǵy, qyzmet kórsetý, saýda, ósimdik sharýashylyǵy men jeńil ónerkásip salasyn qamtydy.
Jalpy, 5 mln teńge kólemindegi mıkrokredıt kez kelgen maqsatta 5 jylǵa nemese mal sharýashylyǵy salasyndaǵy jobalar úshin 7 jylǵa deıin beriledi. Nomınaldy syıaqy mólsherlemesi jyldyq 2,5%-dan aspaıdy. Kepilmen qamtamasyz etý mindetti. Bul rette jyljymaly jáne jyljymaıtyn múlik qabyldanady. Eger kepilmen qamtamasyz etýshi bolmaǵan jaǵdaıda kepil berýshi retinde ata-analaryn, týystaryn, taǵy basqalaryn tartý quptalady.
Sondaı-aq qatysýshylardyń jasy eskeriledi. Shart boıynsha 21 jastan 35 jasqa deıingi jastarǵa óz kásibin ashýǵa nemese ony keńeıtýge, 5 jyldan aspaıtyn merzimmen jeke kásipker retinde tirkelgen jaǵdaıda beriledi. Buǵan qosa mıkrokredıt alýshylar úshin negizgi borysh pen syıaqyny óteý boıynsha jeńildik kezeńi beriledi. Ol mıkrokredıt merzimi uzaqtyǵynyń úshten birinen aspaıdy. Qujattar paketin «Agrarlyq nesıe korporasııasy» AQ fılıalyna tapsyrý qajet. Búginde ótinimder barlyq oblysta, Astana, Almaty jáne Shymkent qalalarynda qabyldanyp jatyr. Ol úshin jeke basyn kýálandyratyn qujat, joba boıynsha bıznes-jospar, shottyń bolýy týraly qyzmet kórsetetin bankten anyqtama, kredıttik bereshektiń, onyń ishinde qarjy uıymdarynan merzimi ótken bereshektiń bolýy týraly anyqtama (kredıtter bolǵan kezde), úmitkerdiń jalaqysyn jáne (nemese) ózge de tabystaryn rastaıtyn qujat (jınaqtaýshy zeınetaqy qorynan úzindi kóshirme), kepildi qamtamasyz etý retinde beriletin múlikti baǵalaý týraly esep, kepil berýshi jáne kepilmen qamtamasyz etý jónindegi qujattar bolýy mańyzdy.
Úmitkerler arnaıy komıssııanyń otyrystarynda ózderiniń bıznes-jobalaryn tanystyrady. Osylaısha, mıkrokredıt berý týraly sheshim komıssııalyq jáne naqty is-qımyl josparymen ózekti, dáleldi, ekonomıkalyq negizdelgen, qoǵamdyq mańyzy bar, ómirsheń bolýǵa tıis jobanyń pysyqtalýyn baǵalaýdyń naqty krıterııleri negizinde qabyldanady.