Qyzylorda qalalyq prokýratýrasy memlekettik satyp alý salasynda zańdylyqtyń saqtalýyna taldaý júrgizip, buryn ortasha jóndeý júrgizilgen kóshelerge qaıta qarajat bólingenin anyqtady. Qyzylorda qalasyna qarasty Qyzyljarma aýyldyq okrýgindegi Batyrbaev kóshesine osydan 3 jyl buryn 49 mln teńgege ortasha jóndeý jasalǵan eken.
Avtomobıl joldary komıteti tóraǵasynyń 2018 jylǵy 21 jeltoqsandaǵy «Avtomobıl joldarynyń qurylymdyq elementteriniń, onyń ishinde salý, rekonstrýksııalaý, kúrdeli, ortasha jáne aǵymdaǵy jóndeýden keıingi jol jaǵdaıynyń jóndeýaralyq merzimderin belgileý jónindegi usynymdar týraly» №131 buıryǵynyń 4.1 tarmaǵynda avtokólik joldaryna kúrdeli jóndeýdiń aralyq merzimi 6-9 jyl ekendigi anyq kórsetilgen. Al aýyldyq okrýg ákimdigi osy talapty eskermeı bıyl Batyrbaev kóshesin kúrdeli jóndeýge qarajat bólip, 653,9 mln teńgege memlekettik satyp alý jarııalaǵan.
Osyǵan uqsas zań buzýshylyqtar aýyldaǵy Ábenov, Doshojın jáne Seksenbaev kóshelerin kúrdeli jóndeýge qarajat bólý kezinde de anyqtalyp otyr. Oblystyq prokýratýranyń baspasóz qyzmetiniń habarlaýynsha, qabyldanǵan sharalar nátıjesinde jalpy somasy 1,7 mlrd teńge bolatyn 4 satyp alý konkýrsynyń kúshi joıylǵan.
Osylaısha qyrýar qarjyny jóndelgen joldy jamaýǵa jumsaǵysy kelgenderdiń qýlyǵy iske aspaı qaldy.
QYZYLORDA