Búgin Memleket basshysy bıznes-qoǵamdastyq ókilderimen kezdesýde Úkimetke QQS mólsherlemesi boıynsha usynysy joǵary ekendigin naqty aıtqany málim. Osy oraıda Májilis depýtaty Marhabat Jaıymbetovten pikir bildirýin suraǵan edik, dep jazady Egemen.kz.
«Qoǵamda qosylǵan qunǵa salynatyn salyqqa qatysty (QQS) másele týyndap, biraz talqyǵa túsip jatyr. Osy oraıda aıtpaǵym «Jeti ret ólshep, bir ret kes» degen dana halqymyzdyń qaǵıdasyn ustanǵan jón», dedi depýtat.
Eske salaıyq, atalǵan kezdesýde Prezıdent memleket úshin jáne árbir azamat úshin mańyzdy kez kelgen sheshimder bıznespen, sarapshylarmen jáne depýtattarmen talqylanǵannan keıin ǵana qabyldanýy tıis ekenin túsindirgeni málim.
«Ekonomıkany, bıznesti jáne azamattardy qoldaý úshin óz usynystaryn usynǵan sarapshylar da Memleket basshysynyń kózqarasymen tolyqtaı kelisedi», dedi Májilismen.
Depýtat bundaı kúrdeli kezeńde reformany qalaı júrgizý kerektigine de toqtaldy.
«Árıne, osyndaı qym-qýyt, almaǵaıyp kezeńde jaıbaraqattyq bolmaıdy. Biraq, aptyqpaǵan durys. Kez kelgen reformany jan-jaqty saraptap, egjeı-tegjeıli elekten ótkizip, saralap, baıyppen júrgizgen jón», dedi Májilis depýtaty.
M.Jaıymbetovtiń pikirinshe bul tusta Memleket basshysy ataǵandaı, barynsha ońtaıly sheshim qajet.
«Iаǵnı bir jaǵynan bıznes júrgizýge kedergi keltirmeı, qolaıly jaǵdaı jasaıtyn, al ekinshi jaǵynan, salyqqa qatysty tártipti kúsheıtip, bıýdjet kirisin arttyratyn tıimdi joldy tabýymyz qajet», dep túıindedi depýtat.