Rıo-de-Janeıro Olımpııalyq oıyndarynda 75 kıloǵa deıingi salmaqta óner kórsetip jatqan qazaqstandyq boksshy Jánibek Álimhanulynyń 1/4 fınalda kimmen judyryq siltesetini belgili boldy.
Bul joly bizdiń baǵlannyń qarsylasy Ázerbaıjan quramasynyń úmiti Kamran Shahsývarly (sýrette) bolyp shyqty. Ol Aqtóbe qalasynda týyp-ósken boksshy. Kezinde Qazaqstan chempıonattaryna da qatysqan. Eki ret qola júldeger atanǵan. 2011 jyly Serik Qonaqbaev týrnırinde top jardy. Al 2013 jyly tarıhı otanyna oraldy. Onda barǵasyn eldiń chempıony boldy.
Munyń aldynda 25 jastaǵy Kamran reseılik Artem Chebotarevti 2:1 (29:28, 29:28, 28:29) etip utqan bolatyn. Bir aıta ketetin jaıt, orys boksshysynyń da qazaqqa qatysy bar. Onyń anasy qazaq qyzy, Saratov óńiriniń týmasy.
Jánibektiń munyń aldynda aljırlik Ilıas Abbadıdi ádemi utqanyn kóz kórdi.
Endi Álimhanuly – Shahsývarly shaıqasynda jeńgeni medalge de qol jetkizedi. Bul urys 15 tamyz kúni ótedi. Ol 22:00 saǵatta «Habar» telearnasynan tikeleı efırde kórsetiledi.
Damır QOJAMQUL