Rıo-de-Janeıroda ótip jatqan Olımpııalyq oıyndardyń boks týrnırinde 91 kılodan aýyr salmaqtaǵy qazaqstandyq Ivan Dychko jartylaı fınalda ázerbaıjandyq Magomedrasýl Medjıdovpen kezdesip, 2-raýndta jeńiske jetti.
Ivan qarsylasynyń jaraqat alyp qalýyna baılanysty dáriger sheshimimen 2-raýndta jarystan alýy sebepti jeńiske jetti. Bul kezge deıin ol tóreshiler baǵasy boıynsha utyp turǵan edi.
Eki boksshy 2011 jáne 2013 jyldarǵy álem chempıonattary kezinde ushyrasqan edi. Onyń ekeýinde de ázerbaıjan sportshysy basym bolǵan. Birinshisinde jartylaı fınalda utsa, ekinshisinde fınalda nokaýtpen jeńgen. Ivan qazir solardyń bireýiniń qarymtasyn qaıtardy.
Bir aıta ketetin jaıt, bul salmaqtaǵy aldyńǵy úsh urys ta nokaýtpen aıaqtaldy. Aldymen ulybrıtanııalyq Djoı Djoıs – kaboverdelik Davılson Moraıs dos Santosty 1-raýndta, ózbek Bahodır Jalolov – venesýelalyq Ramon Edgar Mınazdy 2-raýndta, nıgerııalyq Efe Ajagba trınıdadtyq Nıgel Paýlany 1-raýndta iske alǵysyz etip tastady.
Ivan Dychko 17 tamyz kúni saǵat 04:00-te oınalatyn 1/4 fınalda Efe Ajagbamen ushyrasady.
Damır QOJAMQUL