Búgin Rıo-de-Janeıroda ótip jatqan Olımpııalyq oıyndardyń toǵyzynshy jarys kúninen biz qandaı júlde kúte alamyz? Bizdiń búgingi nazarymyz aýatyn jarystardyń arasynda úsh qarǵyp sekirýden fınaldyq saıys, grek-rım kúresi sheberleriniń jańa bastalatyn sóresi, erler men áıelder boksy bar.
Osylardyń arasynda palýan Almas Kebisbaev, jeńil atlet, London Olımpıadasynyń chempıony Olga Rypakova bar.
Dańqty jeńil atletimiz keshe ótken irikteý synynda 14,39 metrge sekirip, úshinshi nátıje kórsetti. Al birinshi bolǵan kolýmbııalyq Katrın Ibargýen 14,52 metrge sekirdi.
Fınal búgin tań aldynda, 15 tamyz kúni Astana ýaqytymen 06:00 saǵatta bastalady.
Eske túsire keteıik, Olga Rypakova Londonda 14,79 metrlik kórsetkishpen irikteý kezeńinde birinshi bolǵan edi. Al fınalda 17,98 metrlik deńgeımen chempıon atanǵan bolatyn.
Palýan Almas Kebisbaev (59 kg) medal úshin baryn salýǵa tıis. Budan qaldy, Dosjan Qarpyqov ta osy joldan tabylady dep úmittenemiz.
Qyzdarymyz da bokstasýlaryn bastaıdy. 75 kıloǵa deıingi salmaqtaǵy Darıǵa Shákimova 1/8 fınaldyq shaıqasty saǵat 20:15-te kanadalyq Arıan Fortınmen ótkizedi. Eger budan assa, 17 tamyz kúni saǵat 23:45-te oınalatyn 1/4 fınalda marokkolyq Hadıdja Mardımen qolǵap túıistirip, medaldar aýylyna kirý úshin kúresedi.
Búgin boksshy jigitterimiz arasynan Qaırat Erálıev pen Ádilbek Nııazymbetovti de kóretin bolamyz. 56 kg salmaqtaǵy Qaırat 1/8 fınalda ózbek Mýrodjon Ahmadalıevpen kúsh synasady. Al 81 kg salmaqtaǵy Ádilbek Nııazymbetov 1/4 fınalda ázerbaıjan Teımýr Mámedovpen aıqasady. Bulardyń qaı jeńiske jetkeni medaldar aýlasyna enedi. Al jartylaı fınalda ulybrıtanııalyq Djoshýa Býatsı men aljırlik Abdelhafıd Benchabla jubynyń jeńgenimen kezdesedi. Mundaǵy Býatsı osynyń aldynda ózbek Elshod Rasýlovty úsh ret uryp qulatyp, sońǵysynda nokaýtqa jibergen edi. Eger Qaırat jeńiske jeter bolsa, 1/4 fınalda aljırlik Ezekýel Alberto Melıan men týnıstik Bılel Mhamdıdiń arasyndaǵy jekpe-jekte utqanymen ushyrasady.
Mine, búgingi kúnniń bizge usynatyn saıystary osyndaı.
Damır QOJAMQUL
Sonymen, búgingi kúnniń jarystar kestesimen tanys bolyńyzdar:
Nysana kózdeý. Erler. Vıntovkamen úsh sıpattan kózdeý (50 metr). Kvalıfıkasııa
Sportshy: Iýrıı Iýrkov
Bastalar ýaqyty: Saǵat 18:00
Jeńil atletıka. Marafon. Áıelder
Sportshylar: Gúljanat Janatbek, Irına Smolnıkova
Bastalar ýaqyty: Saǵat 18:30
Grek-rım kúresi. Erler. 59 kg
Sportshy: Almat Kebisbaev
Bastalar ýaqyty: Kvalıfıkasııa – saǵat 19:00. Tikeleı efır (KazSport)
Grek-rım kúresi. Erler. 75 kg
Sportshy: Dosjan Qartyqov
Bastalar ýaqyty: Kvalıfıkasııa - saǵat 19:06. Tikeleı efır (KazSport)
Sınhrondy júzý. Dýet. Erkin baǵdarlama
Sportshylar: Aleksandra Nemıch, Ekaterına Nemıch
Bastalar ýaqyty: Saǵat 20:00
Boks. Áıelder. 75 kg. 1/8 fınal
Sportshy: Darıǵa Shákimova
Bastalar ýaqyty: Saǵat 20:15. Tikeleı efır («Qazaqstan»)
Velotrek. Omnıým. Skretch
Sportshy: Artem Zaharov
Bastalar ýaqyty: Saǵat 01:40
Boks. Erler. 56 kg. 1/8 fınal
Sportshy: Qaırat Erálıev
Bastalar ýaqyty: Saǵat 03:15. Tikeleı efır («Habar»)
Boks. Erler. 81 kg. 1/4 fınal
Sportshy: Ádilbek Nııazymbetov
Bastalar ýaqyty: Saǵat 05:00. Tikeleı efır («Habar»)
Jeńil atletıka. Úsh qarǵyp sekirý. Áıelder. Fınal
Sportshy: Olga Rypakova
Bastalar ýaqyty: Saǵat 05:55. Tikeleı efır («Qazaqstan»)