Astana qalalyq ishki ister departamenti baspasóz qyzmetiniń jetekshisi Sofıa Qylyshbekovanyń habarlaýynsha, lombard tonamaq bolǵan kúdikti ustalǵan.
«Kúdiktiniń Astana qalasynyń turǵyny ekeni anyqtaldy. Ol 1979 jyly týǵan. Onyń mundaı qadamdarǵa ne úshin barǵanyn naqty aıta almaımyz, tergeý amaldary kezinde bári belgili bolady. Qazirgi tańda lombardtyń eki qyzmetkeri qaraqshynyń qolynan aman-esen bosatyldy. Kelissózderdiń barysynda kúdikti óz erkimen polısııaǵa berildi. Eń bastysy eshkim de zardap shekken joq», – dedi Sofıa Qylyshbekova. Sonymen qatar, ol lombardqa múliktik zaqym kelmegenin, kúdiktimen aradaǵy kelissózder telefon arqyly júrgizilgen aıtty.
Aıta keteıik, búgin Kenesary kóshesinde ornalasqan M-Lombardty tonaýǵa áreket jasalǵan bolatyn. Qaraqshy ǵımarat ishine basyp kirý kezinde dabyl tetigi iske qosylyp, esik avtomatty túrde qulyptalyp, ishte kúdikti jáne eki lombard qyzmetkeri qamalyp qalǵan-dy. Polıseıler bul eshqandaı lańkestik áreketke qatysy joq, tek tonaý oqıǵasy ekenin málimdedi.
Talǵat RAIYMBEK