Reseı men Túrkııa ózara saýda qarym-qatynasynda óz valıýtalaryn qoldaný jóninde kelisim jasasyp, AQSh dollaryna soqqy berýge uıǵarym jasasty.
Mundaı ýaǵdalastyqqa eki el basshylarynyń Sankt-Peterbýrgte ótken kezdesýi kezinde qol jetkizildi.
Túrkııa prezıdenti Redjep Taııp Erdoǵan Reseımen júrgizilgen kelissóz barysynda ózara esep aıyrysý kezinde óz memleketteriniń valıýtalaryn qoldaný jóninde kelisim jasalǵanyn málimdedi.
Túrkııa men Reseı saýda jasasý kezinde ózderiniń ulttyq valıýtalaryn qoldana alady, dep baıandady Redjep Taııp Erdoǵan. Ol sonymen birge saýdada ulttyq valıýtany paıdalaný eki el úshin de tıimdi ekenin atap ótti.
Túriktiń Haberturk gazetiniń jazýynsha, ulttyq valıýtalardy qoldaný saýdadaǵy jaǵdaıdy da túzetip, eki eldiń básekege qabilettilikterin kótere túsedi. Sarapshylar qazir osyndaı pikir bildirip otyr. Bul óz kezeginde AQSh dollarynyń álsireı túsýine áser etedi.
Murat AITQOJA