Qazaqstannyń Energetıka mınıstri Qanat Bozymbaev ótken demalys kúnderi benzın baǵasynyń qymbattaýy boıynsha túsinikteme berdi.
«Birinshiden, senbi kúni men de áleýmettik jeliler arqyly «QazMunaıGaz»-dyń janar-jaǵar maı stansalarynda benzınniń talonmen satylyp jatqanyn bildim. Keshe ǵana ózim sol stansalardy aralap shyqtym. Jaǵdaı túzeldi. Negizgi sebep - qatty aıazda benzınge degen suranys eki jarym esege ósken. Sondyqtan QazMunaıGazda tapshylyq týyndaǵan. Negizi, atalǵan stansalarda kúnde 100 tonna benzın satylady. Al ótken senbi suranys kúrt ósip, 220 tonnaǵa jetken», - dep atap kórsetti Q.Bozymbaev. Mınıstrdiń sózine qaraǵanda, qazirgi kezde Astanada qajetti janar-jaǵar maıdyń kólemi bar. «Qazirgi kezde sol benzındi Reseıden alyp, myna jaqta satatyn bolsaq, bir lıtrdiń baǵasy 140 teńge bolýy kerek. Biraq bizde ózimizdiń benzınimiz bar. Ekeýin qosqanda ádil baǵa 135-140 teńge aınalasynda bolady. Sondyqtan qarasha aıynda 92 markaly benzınniń baǵasy 130 teńge bolýy tıis. Eger 170 bolsa, 200, múmkin 300 bolsa da, biz tez arada Tabıǵı monopolııalardy retteý jáne básekelestikti qorǵaý komıtetimen tekseris ótkizip, ornyna qoıatyn shyǵarmyz», - dedi mınıstr.