Baspana – basty qýanysh

Arshaly kentinde Táýelsizdiktiń 25 jyldyǵyn merekeleý sheńberinde áleýmettik jaǵynan muqtaj turǵyndarǵa jańa 16 páterlik úıdiń kilti tabys etildi. – Men búgin baspanaly bolǵanyma erekshe qýa­nyshtymyn. Shy­nymdy aıtsam, bulaı bolady dep tipti de oı­laǵan emes edim. Endi eshteńege alańdamaı, otbasymmen baqytty ǵu­myr keshemiz degen oıdamyz. Bizderge osyndaı qamqorlyq tanytyp jat­qan memleketimizge myń alǵys, – dedi pat­ro­nattyq otbasynyń tár­­­bıelenýshisi Alenıa Rıa­zanov saltanatty shara­daǵy sózinde. Osynaý 16 pá­ter­li tur­ǵyn úıdiń qury­lysyna bıýdjetten 143 mıllıon teńge qarjy bólingen bolatyn. Qu­ry­lys jumystaryn bas merdiger «SK Gross» jaýapkershiligi shek­teýli serik­testigi júr­gizdi. Jańa turǵyn úı za­manaýı talap­tarǵa saı salynǵan. Úı­diń mańynda avtoturaq jáne balalar alańy da qaras­tyrylǵan.