Úkimette Premer-Mınıstr Baqytjan Saǵyntaevtyń tóraǵalyǵymen ótken otyrysta Bilim jáne ǵylym mınıstri Erlan Saǵadıev talapkerlerdi keshendi testileýdegi ózgerister týraly baıandady. Mınıstrdiń aıtýynsha, keler jyly kolledj túlekteri úshin talapkerlerdi keshendi testileý (TKT) formaty ózgeredi.
Búginge deıin kolledj túlekteri UBT kezinde ózderi kolledjdiń sońǵy jyldarynda oqymaǵan pánderi boıynsha da testileýge qatysyp kelgeni belgili. Osyǵan baılanysty kelesi jyldan bastap engiziletin TKT jańa formatynda talapkerlerdiń kolledjde oqytylǵan bilimi ǵana nazarǵa alynady.
TKT jańa formatynda 60 saýal qarastyrylǵan, onyń 20-sy jalpy pánder boıynsha, 40 saýal beıindik pánge qatysty. Mundaı jaǵdaıda túlek óziniń beıinin odan ári jetildirýdi tańdaýǵa tıisti. Mysaly, pedagogıkalyq kolledj túlegi pedagogıkalyq mamandyqqa barýy kerek. Al beıinin ózgertken jaǵdaıda talapker UBT tapsyrýǵa mindetti.
Arnur ASQAROV,
"Egemen Qazaqstan".