Qazaqstandyqtardyń naqty tabysynyń azaıýy avtokólik óndirisiniń tómendeýine áser etip otyr. Bir jylda avto ónerkásibindegi óndiris 29%-ǵa tómendegen. Osy jyly otandyq óndirýshiler bar bolǵan 8 myń jeńil avtokólik jasap shyǵarǵan. Mundaı málimetti finprom.kz agenttigi keltirip otyr.
Kólik óndirisiniń azaıýy ótken jyldan bastap baıqala bastaǵan. 2015 jyldyń 10 aıynda óndiris 55%-ǵa azaıǵan. Sońǵy jyldary óndiristiń tómen bolýyna baılanysty óndirýshiler sany 1 kásiporynǵa qysqarǵan.
Sondaı-aq, jeńil kólikerdi shyǵarý isi aıtarlyqtaı qysqarǵan. Osy jyldyń 10 aıynda avtokólik qurastyratyn oryndar bar bolǵany 8 myń kólik shyǵarǵan. Al bul kórsetkish osydan eki jyl buryn 29 myń boldy.
2016 jyly 1,3 myń júk tasymaldaıtyn kólik shyǵarylsa, 2014 jyly 2 myń júk kóligi shyǵarylǵan. О́ndiristiń qysqarýy avtokólikke degen suranystyń azaıýymen baılanysty. Sondaı-aq, 2016 jyldyń 9 aıynda Qazaqstanǵa 16 myń sheteldik jeńil avtokólik kelgen. Bul ótken jyldyń sáıkes kezeńimen salystyrǵanda 4 esege az. Budan bólek, 2015 jyly ımport 2014 jylmen salystyrǵanda 2 esege tómendegen.
2015 jyly Qazaqstannyń avtokólik shyǵarýshy eń iri úsh kásiporyn bıýdjetke 10 mlrd teńge salyq tóledi. Bul 2014 jylǵy salyq tólemimen salystyrǵanda 2 esege az. Al 2016 jylǵy salyq túsimi bar bolǵany 4 mlrd teńgeni qurady. Salyqty eń kóp tólegen — «Azııa Avto» AQ (osy jyly shamamen 3 mlrd teńge tólegen).