Qaraǵandy qalasy ákiminiń jańa orynbasary taǵaıyndaldy. Buryn bul qyzmetti atqarǵan Arman Jumekenov óz erkimen jumystan ketip, onyń ornyna 47-jasar Sábıt Ospanov otyrdy, dep habarlaıdy Tengrinews.kz.
Jańa orynbasaryn jınalysta qala ákimi Nurlan Áýbákirov tanystyrdy.
Sábıt Ospanov Qostanaı oblysynda týǵan. Aqmola aýylsharýashylyq ınsıtýtyn, Býketov atyndaǵy Qaraǵandy memlekettik ýnıversıtetin, Qaraǵandy memlekettik tehnıkalyq ýnıversıtetterin bitirgen.
Sheneýnik óziniń eńbek jolyn Matrasov atyndaǵy keńsharda jumysshy bolyp bastaǵan.Odan keıin zootehnık, basshy, "Botaqara" AQ dırektor orynbasary bolǵan. Ýlıanov aýyldy okrýgy ákiminiń orynbasary bolǵan. "Botaqara" aýyldy okrýgynyń ákimi, Abaı qalasynyń ákimi, 2013 jyldan beri "Qaraǵandy oblysynyń jolaýshylar kóligi jáne avtomobıl joldary basqarmasy" MM basshysy qyzmetin atqardy.