Fýtboldan elimizdiń bas jattyqtyrýshysy Talǵat Baısýfınov otstavkaǵa ketpeıdi, dep habarlaıdy Qazaqstan fýtbol federasııasynyń baspasóz qyzmeti.
Atalǵan federasııanyń hatshysy Qanysh Áýbákirov bas bapkerge qatysty el ishindegi alyp-qashpa áńgimelerge oraı pikir bildirdi.
«Jańa bapkerdi izdeý boıynsha eshqandaı jumystar júrgizilip jatqan joq. Ulttyq quramaǵa sheteldik mamannyń izdestirilip jatqany týraly qaýesetterdiń barlyǵy joramal ǵana. Talǵat Baısýfınov komandany jattyqtyrýdy jalǵastyrady jáne birinshi quramamyzdyń bapkerlik shtabynyń basshysy bolyp qala beredi», – dedi ol.
Aıta keteıik, bas bapkerdiń óz ornynan ketetini jaıly qańqý sózder ulttyq quramamyz Danııa (1:4) men Chernogorııaǵa (0:5) qarsy irikteý matchtarynda jeńilgennen keıin aıtylǵan bolatyn. Jalpy, Talgat Baısýfınov Qazaqstan quramasynyń bas bapkeri bolyp osy jyldyń basynda taǵaıyndaldy. Onyń jetekshiligimen komanda 8 kezedsý ótkizdi (2 jeńis, 3 teń oıyn jáne 3 jeńilis).