Elimiz boıynsha «Jolaýshylar tasymaly» aksıonerlik qoǵamy aldaǵy mereke qarsańynda jolaýshylardyń suranysyn qanaǵattandyrý úshin qosymsha 80 vagondy ártúrli baǵyttaǵy poıyzdarǵa tirkeıtinin málimdedi, dep habarlaıdy QazAqparat.
Atalǵan kompanııanyń aqparatyna súıensek, qazirgi ýaqytta «Almaty-Astana», «Almaty-Semeı» jáne «Almaty-Arys» baǵyttarynda qatynaıtyn qosymsha poıyzdardy shyǵarý qarastyrylýda. Sonymen qatar, tuńǵysh ret otandyq «Tulpar-Talgo» zaýytynda jasalǵan keń kýzovty jańa úlgidegi vagondarmen jasaqtalǵan eki júrdek poıyz jolǵa shyǵady.
Aıta keteıik, 2016 jyldyń 11 jeltoqsanynan bastap № 3/4 «Almaty-2-Astana» poıyzy jáne 2017 jyldyń 1 qańtarynan bastap № 11/12 «Almaty-2-Shymkent» poıyzy jolaýshylarǵa qyzmet kórsetpek.