Búgin Astanada "Chellendjer" jarysynyń birinshi kezeńiniń setteri ótti, dep habarlady Sports.kz.
Týrnırdiń birinshi kezeńinde sporttyq azamattyǵyn Qazaqstanǵa aýystyratyn Aleksandr Býblık Belarýsııadan kelgen Sergeı Betovtan 6:4, 6:4 esebimen basym tústi.
Sonymen qatar búgin tennısten Qazaqstan quramasynyń kapıtany Dıas Dosqaraev tennısshiniń sheshimi týraly aıtyp, bul Býblıktiń óz sheshimi bolǵanyn jetkizdi.
"Bul Aleksandrdyń óziniń sheshimi. Býblıktiń otbasy Qazaqstan tennıs federasııasyna kelip, azamattyǵyn aýystyrǵysy keletinin aıtty. Biz eshkimdi ózimizge tartpaımyz, tek jaǵdaı jasaımyz. Bizge kelgisi keletin tennısshiler bar. Olar bizben jattyqqysy keledi. Kóptegen sheteldik tennısshilerdiń pikirinshe, bizde barlyǵy qoljetimdi ári yńǵaıly", - dedi Dosqaraev.
Esterińizge sala ketsek, búgin reseılik tennısshi Aleksandr Býblık Qazaqstannyń atynan jarystarǵa shyǵatynyn habarlaǵan bolatynbyz.