Oblys sottary men turǵyndarynyń arasynda ózara baılanysynyń tıimdiligin arttyrý maqsatynda Jambyl oblystyq sotynda CALL ortalyǵy óz jumysyn bastady, dep habarlaıdy QazAqparat.
Baılanys ortalyǵy sot isin júrgizý máseleleri boıynsha turǵyndardy jedel aqparattandyrý maqsatynda quryldy. Ortalyq telefonyna 8 (7262) 999140 jumys ýaqytynda habarlasýǵa bolady. Baılanys ortalyǵynyń arqasynda azamattar men zańdy tulǵalardyń ókilderi sottardyń jumysy boıynsha anyqtamalyq jáne sot aktilerine shaǵymdaný tártibi, isti qaraý nátıjesi, isti jáne sot tyńdaýynyń qaıta qaraýǵa ótinish túsirilgen kúni týraly málimetterdi bile alady, sondaı-aq basqa da qyzyqtyrǵan suraqtaryn qoıa alady. Sóılesýdi jáne keri baılanysty oryndaý jańashyldyq arqyly ákimshilik kedergilerdiń tómendeýine jumys jasaıdy, sot organdary qyzmetiniń baqylaýyn kúsheıtý, halyqqa kómek kórsetýdiń sapasyn joǵarylatady. Ortalyq jumysynyń maqsaty - oblystyń sot júıesiniń jumysy jaıynda halyqty aqparattandyrýdy kóterý. Bul rette, keri baılanysý múmkindigine ıe bolý úshin qońyraý shalýshynyń baılanys nómirin qaldyrý suralady. Bul qajet bolǵan jaǵdaıda turǵynmen baılanysýǵa jáne eń qysqa merzimde barlyq týyndaǵan suraqtardy joıýǵa kómektesedi. Vedomstvonyń baspasóz qyzmetiniń habarlaýynsha, jumys ýaqyty barysynda toqtaýsyz Jambyl oblystyq sotynyń senim telefony 8 (7262) 999-182, 999-105 jumys jasap tur.