Elimizde «Qazaqstanda jasalǵan» brendin basqarý agenttigi quryldy. Bul týraly búgin Ortalyq kommýnıkasııalar qyzmetinde ótken brıfıng barysynda Qazaqstandyq taýarlar men qyzmetterdiń sapasyn baqylaý júıesi federasııasynyń prezıdenti Rımma Tájibaeva málim etti, dep habarlaıdy QazAqparat.
Jańa agenttiktiń aıasynda «EKSPO-2017» kórmesine arnap, «Halyq markasy» 100 ulttyq brendti qurý jobasy júzege asyrylady. Atalmysh jobaǵa tanymal ártister, sportshylar men depýtattar da qatyspaq. Jańa 100 ulttyq brend tamaq ónerkásibi, jıhaz, úı qajettilikteri, kıim-keshek jáne aıaq kıim salalarynda paıda bolady dep kútilýde. Olardyń barlyǵy Astanadaǵy «EKSPO» halyqaralyq kórmesinde usynylady. «Agenttikti qurý meniń ózimniń bastamam. Eshqandaı memlekettik organ oǵan qarjy salyp otyrǵan joq. Men bunyń aldynda «EKSPO» alańynda jumys jasadym jáne mundaı sharalardyń el úshin qandaı paıda ákeletinin bilemin. Men EKSPO-dan ketip, ózimniń jobamdy ashtym. Eki jyl buryn qolǵa alynǵan bul joba qazir sátti júzege asyrylýda. Alǵash qadamymdy bastaǵanda mende tek ıdeıa ǵana bar bolatyn. Jeke qarajattarym bolǵan joq. Qazir eki jyldyń ishinde qazaqstandyq brendterdi uıymdastyrý arqyly olardy damytyp qana qoımaı, qarjylyq turǵyda da jetistikterge jettim», - deıdi federasııa prezıdenti.