Qazaqstan Respýblıkasynyń Prezıdenti Nursultan Nazarbaev Bloomberg News aqparat agenttigine suhbat berdi, dep habarlaıdy Aqordanyń baspasóz qyzmeti.
Memleket basshysy naryqtyń kásibı qatysýshylaryn iskerlik sıpatyndaǵy aqparatpen qamtamasyz etýshiler arasyndaǵy úzdikterdiń biri bolyp sanalatyn Bloomberg News aqparat agenttigi ókilderimen áńgimelesti. Suhbat barysynda Nursultan Nazarbaev elimizdiń saıası jáne áleýmettik-ekonomıkalyq damýynyń basty baǵyttaryna qatysty saýaldarǵa jaýap berip, EAEO-ǵa múshe memleketter yntymaqtastyǵynyń perspektıvalary, jahandyq ekonomıkanyń, terrorızmmen kúrestiń mańyzdy aspektileri, sondaı-aq shet eldermen ózara is-qımyldy nyǵaıtý jóninde aıtty.