Qyzylorda qalasyndaǵy Á.Tájibaev atyndaǵy oblystyq ámbebap ǵylymı kitaphanada shópten jasalǵan sııamen jazylǵan Quran Kárim kitaby saqtaýly tur.
Bul kitap 1740 jyly Mysyr shaharyndaǵy «Farýhı» baspasynda qattalǵan eken. Muqabasy qońyr tústi, mal terisimen qaptalǵan, arab tilinde jazylǵan Quran túsiniktemesi 446 betten turady. Bul qundy jádigerdi kitaphananyń ǵylymı qyzmetkerleri ekspedısııa kezinde taýypty.
– Oblys boıynsha 4590 kitapty sıfrly formatqa kóshirip boldyq. Onyń 2390-y kitap bolsa, qalǵany gazet-jýrnaldar. Bul eńbekter ólketanýǵa qatysty arab, parsy, túrik, shaǵataı, qazaq, ózbek, orys tilderindegi ádebıetterden quralǵan, – deıdi Á.Tájibaev atyndaǵy oblystyq ámbebap ǵylymı kitaphana dırektory Nurjamal Myrzamuratova.
Kitaphana qorynda 410 myń dana kitap bar eken. 600-den astam jádigerdiń barlyǵy elektrondy formatqa kóshirilipti.
Baqtııar TAIJAN,
«Egemen Qazaqstan»
Qyzylorda oblysy