Ekspozısııaǵa alpys shaqty jumys qoıylǵan, olar – panno-kartınalar, kıim, sándi etnoaksessýarlar. Avtorlar óz jumystarynda qazirgi zaman óneri úshin mańyzy zor ulttyq dástúrlerdi saqtaý men damytýdy jáne basqasha oılaýdy ınterpretasııalaıdy. О́mirge sulýlyq pen shattyq syılaıtyn sándik óner olardyń janyna asa jaqyn. Sýretshiler Art tandemde birneshe ret jumystaryn qoıǵan, sonymen birge olar ómirde de, shyǵarmashylyqta da múddeles jandar.
Týyndygerler Abaı atyndaǵy Qazaq Ulttyq pedagogıkalyq ınstıtýtynyń kórkemsýret-grafıka fakýltetin támamdap, sodan beri shyǵarmashylyq jolda óz bolmystaryn kórsetýde. Olar ynta-yqylasyn – beıneleý ónerine, qoldanbaly ónerge jáne dızaın men oqytýshylyq qyzmetke arnaǵan. Ekeýi úshin shyǵarmashylyq – birinshi orynda. Olar basty nazarlaryn kartınalar men ınterer pannosyna aýdarǵanymen, kıim dızaınyna da tájirıbe jasaǵandy unatady, ásirese olardy ulttyq taqyryp asa qyzyqtyrady. Sýretshilerdiń kásibı jáne ómirlik múddeleri ortaq bolsa da, árqaısysynyń dara kelbeti men óz shyǵarmashylyq álemi bar. Aıtýly kórme 2019 jyldyń 5 sáýirinde Á. Qasteev atyndaǵy óner murajaıynda shymyldyǵyn túredi.
Arman OKTIаBR,
«Egemen Qazaqstan»
ALMATY