Jańa jyljymaly sostav Evro-5 ekologııalyq standartyna saı jáne kondısıoner, beınebaqylaý kamerasy syndy quraldarmen jabdyqtalǵan. Qalada jyl basynan beri qaraı №65, №60, №14 eń tyǵyz baǵyttar boıynsha 125 jańa avtobýs jolaýshy tasymaldaýda.
Aıta keterligi, shaharda avtobýs parkiniń 80%-ǵa jańarýyna qolma-qol aqysyz tólem jasaıtyn «Ońaı» júıesin engizýdiń yqpaly tıgen. Eger buryndary avtoparkter bıýdjet qarjysy esebinen jańarsa, al qazir tasymaldaýshylar óz qarjylaryn ınvestısııalaýǵa múkindik beretin ashyq naryqtyq mehanızmdi utymdy qoldanýda.
Jalpy, Almatyda kólik reformasy aıasynda eki jyl ishinde ǵana qalanyń avtobýs parki 80%-dan astamǵa jańardy, elimizdegi alǵashqy BRT jelisi jumys isteı bastady, karsherıng qyzmeti engizildi, metronyń eki stansasynyń qurylysy jalǵasýda jáne LRT qolǵa alyndy.
«15 sáýirden bastap qalada 120-dan astam kósheni ortasha jóndeý bastalady, qalanyń 14 yqsham aýdanyndaǵy 456 kóshege jańa joldar salynady dep kútilýde. Eń bastysy, jóndeý jumystary qoǵamdyq kóliktiń júrý kestesi men baǵyt qozǵalysyna keri áserin tıgizbeıdi. Keptelisti boldyrmaý úshin joldy tolyq jabý tek tún mezgilinde ǵana júrgiziledi», – deıdi Mobıldilik basqarmasynyń mamandary.
ALMATY