Shara barysynda «Altyn qalam 2018» baıqaýynda «Jyldyń úzdik romany» atanyp, Esenqul Mamanov atyndaǵy bas júldeni jeńip alǵan Aıdyn Kálimhannyń «Qashqyn» roman-bıografııasy men belgili qalamger Esbolat Aıdabosynnyń «Jyldyń úzdik prozasy» atalymy boıynsha oza shapqan «It tirlik» áńgimesi engen «QAShQYN» atty kitaby tanystyryldy. «Altyn qalam» júldesine qatysqan daryndy avtorlardyń tańdaýly áńgimelerinen qurastyrylǵan «QAZIRGI QAZAQ SATIRASY» atty jańa jınaq usynyldy. Sonymen qatar, «Altyn qalam 2017» báıgesinde topjarǵan «Alashorda» jáne «О́mirdiń ózi» kitaptarynyń tusaýy kesiledi.
Budan bólek bıyl ekinshi ret Ádebı «Oskar» syılyǵy tabys etiledi. Atalǵan syılyq búgingi zaman ádebıetin damytýǵa eleýli úles qosqan qalamgerlerge berildi. Jeńimpazdar «Altyn qalam» baıqaýy men Álemdik ekonomıka jáne saıasat ınstıtýtynyń áleýmettanýshysy Aıman Júsipova birlesip júrgizgen áleýmettik zertteýdiń qorytyndysy boıynsha anyqtaldy. Zertteýge ádebıet, ǵylym, bıznes salasyndaǵy bedeldi 61 sarapshy qatysyp, qazaqstandyq ádebıettiń damý barysy men búgingi kitap naryǵynyń jaǵdaıyna baılanysty jeke pikirlerin bildirdi. Sarapshylar sondaı-aq, qazirgi tańda suranysqa ıe ádebı janrlardy, úzdik avtorlar men úzdik kitaptardy atap ótti.
Saýalnama nátıjesinde kelesi azamattar jeńimpaz atandy:
Jyldyń úzdik baspasy - Meloman Publishing
Jyldyń ádebı debıýti - Oral Arýkenova "Pravıla neftıankı"
Kitap like (oqyrmandar tańdaýy) - Askar Nýrsha "Pýtınskaıa Rossııa: geopolıtıcheskıı revansh ılı agressıvnaıa oborona?"
Áleýmettik mánge ıe taqyrypqa arnalǵan úzdik kitap - Gýlnar Bajkenova "Tolko ne govorıte, eto slıshkom"
Jyldyń úzdik mesenaty (Ádebıetke kórsetken qoldaýy úshin) - Oljas Qudaıbergenov.