Caltanatty sharaǵa oblys ákiminiń orynbasary Málik Otarbaev pen Qurmanbek Jandarbekovtiń nemere inisi Ábilhaıyr Jandarbekov, teatr ardagerleri men teatr túlekteri, aýdan turǵyndary men barlyq aýdandardaǵy mádenıet bólimderiniń basshylary qatysty. «Teatrdyń tarıhynda Qurmanbek Jandarbekovtiń esimi altyn áriptermen jazylady. Alǵashqy kúnderden bastap-aq baǵyt-baǵdar berip, akterlerge ustaz bolǵan, uly akterdiń kórkem murasy bizderge rýhanı azyq. Talaı talanttardyń tomaǵasyn sypyryp, óner sahnasyna, teatr álemine qanat qaqtyrǵan kıeli ordanyń el rýhanııatyna sińirip jatqan úlesi orasan. 50 jylda qara shańyraqta túrli qoıylymdar qoıylyp, elge tanymal sahna sańlaqtary osy ordadan túlep ushty. Jetisaı teatrynyń tarıhy men mádenı murasy aýdannyń, oblystyń ǵana emes, búkil Qazaqstannyń óner shejiresine aınalyp keledi», – dedi oblys ákiminiń orynbasary. Sondaı-aq saltanatty sharada birqatar teatr ártisteri alǵys hattarmen marapattaldy. Bıýsttiń saltanatty ashylýynan soń qonaqtarǵa oblys jáne aýdan ónerpazdary merekelik konserttik baǵdarlamalaryn usyndy.
Aıta keteıik, óz tarıhynda kóptegen halyqaralyq, búkilodaqtyq teatrlar festıvalinde jaqsy nátıjelerge qol jetkizgen teatrdyń sahnasynda 200-ge tarta qoıylym kórermenge jol tartqan. Teatr aldaǵy ýaqyttarda shet elderge shyǵyp, halyqaralyq festıvalderge qatysatyn bolady.
Túrkistan oblysy