Bala quqyqtary jónindegi ýákil atqarǵan jumystaryna toqtaldy

«18 maýsym kúni men QR bala quqyqtary jónindegi Ýákil qyzmetine taǵaıyndaldym. Atqarylǵan jumystar men qol jetken nátıjeler jóninde aı saıyn ashyq esep berip turýǵa bekindim.

Shildede meniń atyma árqaısysy qyıly taǵdyrǵa toly 28 hat kelip tústi. Birinen tirlikten túńilgen jannyń janaıqaıy sezilse, birinen ómirlik qıyn túıindi sheshe almaı qamyqqan jannyń úni estiledi. Alaıda, olardyń barlyǵy bizder – úlkender sheshýge tıisti problemalar.

Búgingi kúni men 12 isti jeke baqylaýyma aldym. Ol ister boıynsha barlyq ókiletti organdarmen birlesken qyzý jumystar júrip jatyr. Solardyń ishinde mynandaı ister bar:

Sóıleýdiń kohlerlyq ımplanttarynyń prosessorlaryn aýystyrýdyń qoldanystaǵy tártibimen kelispeıtin bir top ata-analardan meniń atyma úndeý kelip tústi. Máseleni obektıvti túrde qaraý úshin men QR Eńbek jáne áleýmettik qorǵaý vıse-mınıstri Svetlana Jakýpovanyń atyna qoldanystaǵy zańdyq negizderdi túsindirýin ótinip hat joldadym. Shilde aıynyń sońǵy kúnderinde Adam quqyǵyn qorǵaý jónindegi Qazaqstandyq halyqaralyq bıýrosynda ótken baspasóz máslıhatynda Túrkistan oblysyndaǵy mektep-ınternattaǵy tárbıelenip jatqan balalardyń quqyqtarynyń buzylǵanyn aıǵaqtaıtyn derekter jarııalady.

QR bala quqyqtary jónindegi Ýákildiń atynan Túrkistan oblysynyń prokýroryna balalar quqyqtarynyń tolyq saqtalýy men mektep-ınternattyń qyzmetiniń zańdylyǵyn keshendi túrde tekserý týraly resmı habarlama joldadym.

Atyraý qalasy ákimdigine «Baqytty Otbasy» baǵdarlamasyna qatysýǵa nıetti múgedek balalary bar januıalarǵa joldama berýden bas tartqan qyzmetkerleriniń áreketterine zańdyq turǵyda baǵa berýlerin suraǵan hat joldadym. Bul hatty men «NeıroDetkı Chýdo Est!» OO usynǵan qujattar negizinde daıyndadym. Sondaı-aq men telefonmen ákimniń orynbasarymen sóılestim. Ol óz tarapynan barlyq kerekti qujattardy keshiktirmeı jiberýge ýáde berdi. Biraq ol qujattar áli kelip túsken joq. Ákimniń atyna jazǵan hatyma jaýappen birge keler degen úmittemin. Mıkrotııa syrqaty boıynsha sátsiz ota jasalǵan qyzynyń jaǵdaıyn aıtyp hat jazǵan ananyń haty negizinde men jekemenshik klınıkalarda osy dıagnoz boıynsha ota jasap júrgen dárigerdiń qyzmetin tekserýdi talap etip memlekettik organdarǵa júgindim.

Alaıda, eń basty mindet – osyndaı dıagnoz qoıylǵan balalardyń máselesin keshendi túrde sheship, olarǵa óz elimizde ota jasalyp, balalar qajetti medısınalyq kómekti der kezinde alýyna qol jetkizý.  О́kinishke qaraı, qajetti qujattyr men ótinish berýshiniń túsiniktemeleri tolyq emes tórt joldaýdy qabyldaı almadyq. Qujatpen dáleldenbegen jaǵdaıda biz tıisti organdarǵa suranys joldaı almaımyz.

JÚIELIK MÁSELELER

Jeke tulǵalardyń jazǵandarymen jumys jasaýmen qatar júıelik máselelermen de aınalysa bastadyq. Olardyń kópshiligi jyldap qordalanyp qalǵan, ártúrli sebeptermen sheshimin tappaı kele jatqan máseleler. Meniń QR balalar quqyqtary jónindegi Ýákil retindegi Baǵdarlamamnyń bir bóligi memlekettik organdarmen birlese otyryp dál osy máselelerdi sheshý bolatyn.

Sondyqtanda biz jumysty balalardyń quqyqtary men quqyqtaryn qorǵaýdyń óte bir názik tusynan bastamaqpyz.

Men elimizdiń Bilim jáne ǵylym mınıstrligine sheteldikterdiń bala asyrap alý máselesin túsindirip berýlerin surap hat jazdym. Bul másele qazaqstandyq balalar shet elderge satylyp jatyr degen aqparattar tarap, qoǵamdyq sananyń alańdaýshylyǵy baıqalǵandyǵynan týyndap otyr. Qoǵam aldynda jańa týǵan nárestelerdiń retınopatııasy týraly problema turǵaly da kóp ýaqyt boldy. Búgingi kúni ol adam shoshıtyndaı dárejege jetti. Meniń Densaýlyq saqtaý mınıstrine jazǵan hatym týra osy másel týraly. Densaýlyq saqtaý mınıstrligine jazǵan taǵy bir hatym - Sal aýrýyna (DSP) shaldyqqan balalarǵa dorsaldy rızotamııaǵa ota jasaýǵa qatysty.

Barlyq múddeli memlekettik organdar Ýákilmen birlese jumys jasaýǵa nıetti. Ásirese, búgingi tańda Densaýlyq saqtaý, Bilim jáne ǵylym mınıstrlikterimen jáne ózge de vedmostvolarmen birigip jumys jasaýdyń alǵysharttaryn ázirleýdemiz. Tek osylaı ǵana bizdiń árbir qadamymyz tıimdi bolatynyna senimdimin.

QAZAQSTANDYQTAR ALDYNDA TURAQTY TÚRDE ESEP BERÝ

Men ózimniń árbir jazǵan hatyma kelgen jaýapty áleýmettik jelilerdegi paraqshalarymda jáne kóp uzamaı QR bala quqyqtary jónindegi Ýákildiń jańartylǵan saıtynda jarııalap turatyn bolamyn.

Sondaı-aq, Ýákil retinde Densaýlyq saqtaý mınıstri Eljan Birtanovpen, Bilim jáne ǵylym mınıstri Ashat Aıtmaǵanbetovpen jáne QR Eńbek jáne áleýmettik qorǵaý vıse-mınıstri Svetlana Jakýpovamen, IýNISEF dırektory Artýr van Dızenmen ótkizgen kezdesýlerimniń mańyzdylyǵyn basa aıtqym keledi.

Nur-Sultan jáne Almaty qalalarynyń kópbalaly analarymen, sondaı-aq elimizdiń túrli aımaǵyndaǵy úkmettik emes uıymdarmen de biraz másele talqylandy.

«Múgedek balalary bar ata-analar Assosıasııasynyń» ońaltý ortalyǵynda dárigerlermen jáne mınıstr Eljan Birtanovpen sal aýrýyna (DSP) shaldyqqan balalar máselesin – reabılıtasııadan ótkizý men emdeýge erte aralasýdyń jaıyn talqyladyq. Almatydaǵy Úkmettik emes uıymdar ókilderimen jáne Nur-Sultandaǵy «Erekshe balalar» Qoryrymen júrgizgen kelissózderimiz óte jemisti boldy. Bul kezdesýlerdiń taqyryptary týraly men ózimniń áleýmettik jelidegi jazbalarymda aıtqanmyn.

Men jaqyn bolashaqta Sizderge túrli ótinishter jaıly ǵana baıandap qoımaı, balalardyń ómirin sándi de mándi ete túser atqarylǵan isterimizdiń nátıjesin de jarııalaıtyn jaǵdaıǵa jetemiz degen umittemin.

Qazir http://balaombudsman.kz/ saıtyn jańartý, onlaın-qabyldaý bólmesin jasaý, Ýákildiń komandasyn qurý sııaqty jumystar jasalyp jatyr.

Esterińizge salaıyn keteıin, QR bala quqyqtary jónindegi Ýákildiń atyna hat jazǵanda barlyq qajetti qujattardy hatpen birge tirkeýdi umytpańyzdar. О́ıtkeni men sol qujattardyń negizinde ǵana memlekettik jáne quqyq qorǵaý organdaryna saýal joldaı alamyn. Barlyq ótinish-hattaryńyzdy info@detdom.kz elektrondy poshtasyna joldaı alasyzdar», dep jazdy A. Saın.