Almatydaǵy eń jas aýdandardyń biri Alataý aýdany jurtshylyǵy tarapynan jaryq máselesine qatysty aryz-shaǵymdar jıi aıtylyp kelgen edi. Jaýapty mamandar jýyrda bul másele ońtaıly sheshimin tabady dep sendirip otyr. Búginde 158 kósheniń jobalyq-smetalyq qujattamasy ázirlenip úlgergen.
Jyl sońyna deıin aýdanda 65 kóshe jaryqtandyrylmaq. Onyń ishinde «Áıgerim-2» shaǵynaýdanyndaǵy Buǵyty jáne Karpatskaıa kósheleri de bar. Odan bólek, «Shańyraq», «Áıgerim» jáne «Boraldaı» shaǵynaýdandaryna da da kóshe shamdary qoıylady.
«Qazirgi tańda 158 kóshede jobalaý-smetalyq qujattamalary bar. Onyń 65-ine 2019 jyldyń sońyna deıin kóshe shamdary ornatylady. Jáne de 146 kóshege tas jol tóseý jumystary men keshendi túrde shamdar jáne aryq júıeleri ornatylady. Qalǵan jaryqtandyrylmaǵan 159 kósheniń tizimi daıyndalyp, olarǵa jobalyq-smetalyq qujattamalar ázirlenedi. Bul týraly energotıimdilik jáne ınfroqurylymdyq damý basqarmasyna ótinim berildi», – deıdi Almaty qalasy Alataý aýdany kóriktendirý bóliminiń bas mamany Nursultan MYRZATAI.
ALMATY