Iri qarjy ınstıtýttary aımaqtardy qarjylandyrýǵa ázir

Bul jóninde ótken «Astana» HQO-nyń delega­sııasy Túrkistan qalasynda memlekettik organdar, «Ata­meken» Ulttyq kásip­ker­ler pa­latasy, sondaı-aq Túrkistan ob­lysynyń akademııalyq toptarymen bolǵan kezdesýinde aı­tyl­dy. Investorlardyń halyq­aralyq aptalyǵyna (World Investor’s Week) oraılastyry­lyp, baǵaly qaǵazdar jó­nin­degi komıs­sııa­lardyń halyq­ara­lyq uıymynyń (IOSCO­) qol­daýymen ótken kezdesý ha­lyq­tyń ınvestısııalyq saýatyn art­tyrýǵa baǵyt­taldy.      

AHQO ákimshiligi bas­qarma tóraǵasynyń keńes­shisi Bolatbek Qýan­dyqov­tyń aıtýynsha, qazir orta­lyqta 20 halyqaralyq arbıtr bar. Iаǵnı daý­ly máselelerdi sheshýge ortalyq kómektesedi. «Sonymen qatar sheteldik ju­mys kúshin de tartýǵa bolady. Biraq bul is barynsha ashyq ári jeńil bolýy kerek. Qazaqstanǵa kelgen kompanııalar ınvestısııa quıýy úshin túrli bıýrokratııalyq kedergiler meılinshe az bolýy tıis. «Astana» halyq­aralyq qarjy ortalyǵyn­da tirkelgen kompanııa­lar men qatysýshylar osyn­daǵy preferensııalardy qoldana alady. Salyq­tyq­ je­ńil­diktermen qa­tar, aǵyl­­shyn­nyń sot quqyǵy­na negizdelgen «As­­tana» halyq­aralyq qarjy or­­­­­ta­lyǵy ha­lyq­aralyq so­ty­nyń tá­ji­rıbesin paıdalanady. Mu­nyń alǵysharty byltyr qa­byl­danǵan bolatyn. Búginde qar­jy ortalyǵy halyqaralyq iri qarjy ıns­tıtýttarymen baıla­nys or­nat­qan. Bul uıymdar aı­maq­tardy damytýǵa atsalysýǵa ázir», dedi B.Qýandyqov.

Sondaı-aq basqosýda kásip­kerlerge AHQO-da bıznes júr­gizý múmkindikteri men orta­lyq­qa qatysýshy atanýdyń jol­dary úıretildi. Qandaı qu­qyqtyq kómekter kórsetiletini jáne AHQO-daǵy jasyl qar­jy­lan­dyrý múm­kindikteri men ke­leshegi baıandaldy. Al Is­lamdyq qarjy men bıznes haby­nyń bas menedjeri Qazy­bek Juman ortalyqtaǵy ıslam­dyq qar­jylandyrý máse­lelerin túsin­dirdi.

Túrkistan oblysy