Erteńgini erte kózdeýshi kásiporyndarǵa óndiristik qýatty der kezinde tolyq jańartyp, tehnologııalyq jaraqtalýdy túbegeıli jańǵyrtý buljymas talap bolyp tabylatyndyǵy belgili. Osyndaı zańdy ózgeriske Jezqazǵan mys qorytý zaýyty da qadam jasaǵan bolatyn. Alaıda mundaıda qandaı da ujym músheleri tarapynan ártúrli alańdaýshylyqtar men túsinpeýshilikter ushyraıtyny sııaqty jaıt budan buryn habarlanǵandaı, bul kásiporyn eńbekkerlerine de abyrjytý týǵyzǵan edi.
Erteńgini erte kózdeýshi kásiporyndarǵa óndiristik qýatty der kezinde tolyq jańartyp, tehnologııalyq jaraqtalýdy túbegeıli jańǵyrtý buljymas talap bolyp tabylatyndyǵy belgili. Osyndaı zańdy ózgeriske Jezqazǵan mys qorytý zaýyty da qadam jasaǵan bolatyn. Alaıda mundaıda qandaı da ujym músheleri tarapynan ártúrli alańdaýshylyqtar men túsinpeýshilikter ushyraıtyny sııaqty jaıt budan buryn habarlanǵandaı, bul kásiporyn eńbekkerlerine de abyrjytý týǵyzǵan edi.
Biraq áýel bastaǵy ártúrli alyp-qashpa sózder sonshalyqty kóńil órikpetkendeı emes eken. Premer-Mınıstrdiń birinshi orynbasary – О́ńirlik damý mınıstri Baqytjan Saǵyntaevtyń aralaryna kelip, ashyq áńgimelesip, mán-jaıdy túsindirýi kóp máseleniń basyn ashty. Korporasııa zaýytty ken quramy kedeı konsentratty óńdeýge beıimdep, ónimniń ótimdiligin kóterý úshin gıdrometallýrgııalyq zamanaýı tehnologııany qoldanýǵa kóshýdi qarastyrǵan eken. Osyǵan baılanysty onyń jumysyn 2 jyl, 3 aıǵa toqtatý týraly Úkimetke usynys beredi. Saraptaýshylar osy máseleni zertteı kele jumysshylardy jappaı qysqartýǵa jáne eńbekaqyny 50 paıyzǵa tómendetýge negiz joqtyǵyn esepteýler arqyly dáleldeıdi. Zaýytty qaıta qurý kezinde jeke quramdy ydyratpaı, jóndeý jáne qosalqy jumystarǵa paıdalaný, basqa óndiris oryndaryna ornalastyrý jóninde tıimdi keńes berildi.
Durys usynysqa daý bar ma? «Qazaqmys» korporasııasy sol boıynsha óz múddesin de, eńbekkerlerdiń múddesin de teń oılaý sharalaryna kelisip, bul kúnde zaýytty jańartý jumystaryna alańsyz kiriskeli otyr. Bul ýaqytta árbir jumysshy men qyzmetshiniń eńbekaqysyn, áleýmettik tólemderdi tolyq kóleminde saqtaýdy jáne tóleýdi mindetine aldy.
Osynaý oqıǵa kezinde óńir kelesheginiń buldyrlyǵy jóninde alypqashty eski sózder taǵy bir qylań bermeı qalmaǵanyn qalaı aıtpasqa. Biraq olaı emes eken. Kerisinshe, zaýyt bolashaǵy jarqyndyǵy bilinip, qaıran qaldyrady. Tarıhy shırek ǵasyrlyq mys qorytý zaýytyna endi tyń tynys bitpek. Aımaqty áleýmettik-ekonomıkalyq damytýdyń 2012-2017 jyldarǵa arnalǵan baǵdarlamasy aıasynda 177 mlrd. teńgeniń kól-kósir jumystary júrgiziletindigi, Jezqazǵan-Beıneý temir joly iske qosylǵaly otyrǵandyǵy osynyń tamasha aıǵaǵy.
Aıqyn NESIPBAI,
«Egemen Qazaqstan».
JEZQAZǴAN.