Beısenbi kúni «Nur Otan» HDP Ortalyq apparatynyń qoǵamdyq qabyldaý bólmesinde Eńbek jáne halyqty áleýmettik qorǵaý mınıstri Tamara Dúısenova azamattarǵa qoǵamdyq qabyldaý júrgizdi, dep habarlady partııanyń baspasóz qyzmeti.
Beısenbi kúni «Nur Otan» HDP Ortalyq apparatynyń qoǵamdyq qabyldaý bólmesinde Eńbek jáne halyqty áleýmettik qorǵaý mınıstri Tamara Dúısenova azamattarǵa qoǵamdyq qabyldaý júrgizdi, dep habarlady partııanyń baspasóz qyzmeti.
Ortalyq apparattyń qoǵamdyq qabyldaý bólmesine ártúrli máselelermen 71 adam tirkelgen. Onyń birqataryn mınıstrliktiń jaýapty organdary buǵan deıin jan-jaqty talqylap, azamattarǵa jekeshe túsindirmeler bergen bolatyn. Al Tamara Dúısenova qoǵamdyq qabyldaý bólmesinde áleýmettik másele boıynsha 13 adamdy qabyldady. Barlyq ótinishterdi Eńbek jáne halyqty áleýmettik qorǵaý mınıstrligi qarap, tıisti túsindirýler men jaýaptar berdi.
Jekelegen azamattardyń suraqtarynan keıin mınıstr buqaralyq aqparat quraldary ókilderiniń suraqtaryna jaýap berdi. «Búgingi qoǵamdyq qabyldaýda kóptegen suraqtar qaraldy. Máseleniń basym bóligi azamattardy jumyspen qamtýǵa baǵyttalǵan. Onyń ishinde joǵary oqý oryndaryn bitirgen jas mamandar da bar. Al kelesi másele – múmkindigi shekteýli azamattarǵa áleýmettik kómek kórsetý máselesi bolyp otyr. Múgedek jandardyń ishinde ózderine memleket tarapynan qandaı kómek kórsetiletindigin bilmeıtin jandar da kezdesti. Osy rette aıta ketý kerek, mundaı azamattarǵa memleket tarapynan áleýmettik járdemaqylar taǵaıyndalady. Kompensatorlyq qurylǵylar, múgedekter arbasy jáne gıgıenalyq qurylǵylar tegin beriledi», dedi Tamara Dúısenova.
Azamattardyń máselelerin óz ýaqytynda sheshý maqsatynda Eńbek jáne halyqty áleýmettik qorǵaý mınıstrligi men Ortalyq apparattyń qoǵamdyq qabyldaý bólmesi jyl saıyn ózara birigip «Jumyspen qamtý-2020» baǵdarlamasyn júzege asyrý boıynsha azamattardy «Biryńǵaı qabyldaý kúni» respýblıkalyq aksııalary men «Úzilissiz baılanys» jobasyn ótkizip keledi. Qabyldaý barysynda negizinen jumysqa ornalasý, eńbekaqy tólemeý, zeınetaqyny qaıta qaraý jáne múgedektik sanatyn anyqtaý máseleleri kóterildi. Qabyldaý nátıjesi boıynsha biliktilikterin arttyrý boıynsha úsh aılyq kýrsqa joldama berilip, qalǵandaryna tıisti túsiniktemeler berildi.