Oblystyq jedel járdem qyzmetine feldsher mamandary irikteldi. О́ńirdiń barsha aýdan-qalalaryndaǵy jedel járdem stansalarynda jumys isteýge 318 úmitker nıet bildirip, olar birneshe synnan ótti.
Komıssııa múshelerine jas mamandar teorııalyq bilimderi men alǵashqy medısınalyq kómek berýdiń tájirıbelik daǵdylaryn kórsetti. Árbir qatysýshy suraqtarǵa jaýap berip, tájirıbelik eptilikterin baıqatty. Sóıtip, irikteý konkýrsynyń nátıjesi boıynsha komıssııa músheleri 279 mamandy jumysqa ornalastyrý týraly sheshim qabyldady.
Qoǵamdyq densaýlyq saqtaý basqarmasynyń málimetinshe, úmitkerlerdiń qatarynda kópbalaly otbasydan shyqqan 86 jáne ata-analary múmkindigi shekteýli 17 jas bolǵan. Jumysqa turǵan jastardyń arasynda múmkindigi shekteýli jandar da bar.
Búginde óńirde áleýmettik jaǵynan az qamtylǵan otbasy múshelerin turaqty jumysqa tartý máselesine kóp kóńil bólinýde. Sondaı-aq oblysta Memleket basshysynyń tapsyrmasyna sáıkes 5300 dárigerdiń eńbek jalaqysy 30 paıyzǵa, 18 myńnan asa orta býyndy mamannyń aılyǵy 20 paıyzǵa kóterilgen.
Budan bólek, medısınalyq emes zerthana mamandarynyń aılyq jalaqylary 30 paıyzǵa ósti.