Túrkistan oblystyq qoǵamdyq damý basqarmasynyń «Jastar resýrstyq ortalyǵy» men «Jas Otan» jastar qanatynyń birlese uıymdastyrýymen ótken aksııaǵa 100-ge jýyq adam qatysyp, qan tapsyrdy.
Aldymen dárigerler jastardy tolyq tekserýden ótkizip, qant mólsheri, gemoglabın kórsetkishi men túrli aýrý belgileriniń bar-joǵyn zerthanalyq jolmen anyqtady. Sodan keıin donor bolýǵa múmkindik berdi.
«Jas Otan» jastar qanatynyń músheleri, Kentaý qalasy men Ordabasy jáne Otyrar aýdandyq jastar resýrstyq ortalyqtarynyń qyzmetkerleri jáne qala turǵyndary men erikti jastar qatysqan aksııa barysynda donor bolý ózgege úmit syılaý ekeni, ıaǵnı qan quıý arqyly naýqas jandardyń ómirin uzartýǵa bolatyny aıtyldy.
Uıymdastyrýshylar qanǵa zárý naýqastarǵa qoldaý kórsetý maqsatynda ótken is-sharany aldaǵy ýaqytta da jalǵastyrýdy josparlap otyr.
Túrkistan oblysy