Túrkistan oblysy Qazyǵurt aýdanynda «CG Foods Central Asia» JShS-i tez ázirlenetin «Qazan» jáne «Wai-Wai» markaly kespe ónimderiniń 10 túrin shyǵarýda.
Búgingi tańda kásiporynda 80 adam jumys isteıdi. Aldaǵy jyldary jumysshylar sanyn 300-ge jetkizý kózdelgen. Kásiporyn bıyldan bastap jylyna shyǵarylatyn 1 100 tonna ónimniń 20 paıyzyn elimizdiń óńirlerindegi tutynýshylaryna ótkizip, 80 paıyzyn Orta Azııa elderine eksporttaıtyn bolady. О́ndiris ornyna salynǵan ınvestısııa kólemi - 5,7 mlrd teńge. Al ótken jyly 1,1 mlrd teńge ınvestısııa salynyp, tez daıyndalatyn kespe sehy tolyq jańǵyrtylǵan edi.
Aıta ketelik, Qazyǵurt aýdanynda ónerkásip ónimi kóleminiń jyl saıyn arta túsýine ındýstrıaldy aımaqtyń qosqan úlesi mol. Búgingi tańda, «Qazyǵurt» ındýstrıaldy aımaǵynda jalpy quny 7,3 mlrd teńge bolatyn 5 joba ornalastyrylǵan.
Túrkistan oblysy